Dekret ta’tilida yakshanba kunlar hisoblanadimi?
@Yurist_Xizmati 5061-savol:
Dekret ta'tilda yakshanba kunlar hisoblanadimi? 2025 02 10 dan
2025 06 10gacha necha kun hisoblanadi dekret ta'tilni hisoblashda bayram yakshanba kunlarni chiqarib tashlash tog‘rimi?
YURIST JAVOBI:
✅ Dekret kalendar kun bo‘yicha hisoblanadi.
Qarang! Mehnat kodeksining 404-moddasiga binoan ayolga tug‘ruqqacha yetmish kalendar kun hamda tug‘ruqdan keyin ellik olti kalendar kun (tug‘ish qiyin kechgan yoxud ikki yoki undan ortiq bola tug‘ilgan taqdirda yetmish kalendar kun) homiladorlik va tug‘ish ta’tili berilib, qonunchilikda belgilangan, lekin o‘rtacha oylik ish haqining yetmish besh foizidan kam bo‘lmagan miqdorda nafaqa to‘lanadi.
Qarang! Mehnatga layoqatsizlik varaqalarini berish tartibi to‘g‘risidagi yo‘riqnomaning (ro‘yxat raqami 2667, 17.04.2015-y.) 28-bandiga ko‘ra homiladorlikning o‘ttizinchi haftasidan keyin murojaat qilinganda tug‘ishga qadar necha kun qolganidan qat’i nazar, mehnatga layoqatsizlik varaqasi murojaat qilgan kundan to‘liq bir yuz yigirma olti kalendar kuniga beriladi.
☝️E’tibor bergan bo‘lsangiz, yuqoridagi qoidalarda “kalendar kun” jumlasi qo‘llanilmoqda. Kalendar kunlarni hisoblashda barcha kunlar, xususan, ishlanmaydigan bayram, dam olish va qo‘shimcha dam olish kunlari qo‘shiladi.
✅ Soddaroq aytganda, dekret kunlarini hisoblashda dam olish kunlari (yakshanba) chiqarib tashlanmaydi.