Xususiy sektorda ishlovchi ayollarga davlat tomonidan to‘lanadigan “dekret puli”.
2022 yil 1 sentyabrdan boshlab barcha yuridik shaxslarda (budjet tashkilotlaridan tashqari) oxirgi 6 oy davomida uzluksiz ish stajiga ega bo‘lgan ayollarga nafaqa tayinlash sanasida belgilangan minimal iste’mol xarajatlari miqdoridan kelib chiqqan holda Moliya vazirligi huzuridagi Ijtimoiy sug‘urta jamg‘armasi mablag‘lari hisobidan homiladorlik va tug‘ish nafaqasi to‘lanadi;
yuridik shaxslarning ushbu xodimalar oldidagi majburiyatlari Jamg‘arma mablag‘lari hisobidan to‘langan homiladorlik va tug‘ish nafaqasi hajmida kamaytiriladi. (07.03.2022 y. PF-87-son, 2-b.)
2024 yil 1 maydan boshlab minimal iste’mol xarajatlari 648 ming so‘m etib belgilangan.
20.09.2022 yildagi 515-son VMQga asosan homiladorlik va tug‘ish nafaqasi minimal iste’mol xarajatlarining (MIX) 4 baravari miqdorida Ijtimoiy sug‘urta jamg‘armasi mablag‘lari hisobidan to‘lanadi. MIXning 4 baravari – 2 592 000 so‘m;
Korxona "dekret"ga chiqayotgan xodimasiga homiladorlik va tug‘ish nafaqasini hisoblab chiqaradi. Agar uning summasi:
MIXning 4 baravaridan ortiq bo‘lsa – korxona xodimaga farqni o‘z hisobidan to‘laydi;
MIXning 4 baravariga teng yoki undan kam bo‘lsa – korxona nafaqa to‘lamaydi.