Uy sotib olish moddiy yordam va bolalar pulini bekor qiladimi?
@Yurist_Xizmati 5614-savol:
Assalomu alaykum. Mening Turmush o‘rtog‘im vafot etgan. 2 nafar farzandim bor.o‘zim ta'lim sohasida ishlayman. Boquvchisini yo‘qotganlik pensiyasi olaman. Nomimga honadon (dom) olmoqchiman. Agarda olsam, Pensiya va moddiy yordamlarga ta'siri bo‘lmaydimi
YURIST JAVOBI:
Sizning holatingizda boquvchisini yo‘qotganlik pensiyasi olayotgan bo‘lsangiz ham, o‘z nomingizga uy (xonadon) sotib olishingizning o‘zi avtomatik ravishda pensiyani bekor qilish uchun asos bo‘lmaydi.
Chunki “Fuqarolarning davlat pensiya ta’minoti to‘g‘risida”gi Qonun 19 – 20-moddalariga ko‘ra, boquvchisini yo‘qotganlik pensiyasi:
▪️vafot etgan boquvchining mehnat staji va ta’minotida bo‘lgan oila a’zolariga;
▪️voyaga yetmagan farzandlarga;
▪️ayrim hollarda turmush o‘rtog‘iga tayinlanadi.
Ya’ni pensiya tayinlanishida asosiy mezon — uy-joy bor yoki yo‘qligi emas, balki boquvchini yo‘qotganlik holati va qonundagi shartlarning mavjudligidir.
Shu sabablio‘z nomingizga dom olishingiz, meros yoki oldi-sotdi orqali uy olishingiz boquvchisini yo‘qotganlik pensiyasini bekor qilmaydi.
➡️ Moddiy yordam masalasiga kelsak, Vazirlar Mahkamasining 2026-yil 29-yanvardagi 35-son qarori bilan tasdiqlangan “Ijtimoiy reyestrni yuritish tartibi to‘g‘risida”gi nizomga ko‘ra, oilaning ijtimoiy holati asosan:
▪️oila daromadi;
▪️rasmiy va norasmiy tushumlari;
▪️normativ daromadlari asosida baholanadi.
Nizomning 19–21-bandlarida oilaning jami daromadlari nimalardan iboratligi aniq ko‘rsatilgan bo‘lib, uy-joy sotib olganlik alohida “nafaqani bekor qiluvchi asos” sifatida belgilanmagan.
♂️ Bundan tashqari, nizomning 20-bandida boquvchisini yo‘qotganlik pensiyasi ham ayrim hollarda oilaning jami daromadini hisoblashda inobatga olinmasligi ko‘rsatilgan.
✅Shu sababli nomingizga uy olish o‘z-o‘zidan moddiy yordam yoki bolalar nafaqasini bekor qilmaydi.
❗️Lekin “Inson” markazi yoki “mahalla yettiligi” oilaning umumiy ijtimoiy-iqtisodiy holatini qayta baholashi mumkin. Agar oilaning real daromadi yoki boshqa moliyaviy imkoniyatlari yuqori deb topilsa, keyingi muddat uchun yordam qayta ko‘rib chiqilishi ehtimoli mavjud.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati