Homiladorlikning 30 haftasida dekretga chiqish majburiymi?
@Yurist_Xizmati 5441-savol:
Assalomu aleykum. Men maktabda o‘qituvchi bo‘lib ishlayman. Savolim shundan iboratki men hozir 29 haftalik homiladorman. Maktabimizdagilar homilang 30 haftalikka yetganda majburiy dikretga chiqishimni aytishyapti. Lekin boshqa maktablarda o‘qituvchilar hohlagan payti dikretga ketayapti. Bular agar vaqtida dikretga chiqmasang dikret pulisiz qolasan degan gaplarni aytishyapti shu gaplar to‘g‘rimi 34..35 haftalikda dikretga ketmoqchiman iltimos menga aniq ma'lumot bering. Oldindan rahmat.
YURIST JAVOBI:
Mehnat kodeksining 404-moddasiga binoan ayolga tug‘ruqqacha yetmish kalendar kun hamda tug‘ruqdan keyin ellik olti kalendar kun (tug‘ish qiyin kechgan yoxud ikki yoki undan ortiq bola tug‘ilgan taqdirda yetmish kalendar kun) homiladorlik va tug‘ish ta’tili berilib, qonunchilikda belgilangan, lekin o‘rtacha oylik ish haqining yetmish besh foizidan kam bo‘lmagan miqdorda nafaqa to‘lanadi.
Endi qarang! Mehnatga layoqatsizlik varaqalarini berish tartibi to‘g‘risidagi yo‘riqnomaning (ro‘yxat raqami 2667, 17.04.2015-y.) 27-bandiga ko‘ra homiladorlik va tug‘ish bo‘yicha mehnatga layoqatsizlik varaqasi homiladorlikning o‘ttizinchi haftasidan boshlab hududiy ambulator-poliklinikalarning, akusher-ginekolog (umumiy amaliyot shifokori) tomonidan bosh shifokor o‘rinbosari bilan birgalikda bir yo‘la bir yuz yigirma olti kalendar kuniga beriladi.
❗️Aynan shu qoidaga ko‘ra siz ham homiladorlikning 30 haftasidan keyin homiladorlik va tug‘ish ta’tiliga chiqishingiz lozim.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati