MAJLISLAR MAJBURIY(MI)?
❓Fuqarodan kelgan murojaat:
Ish vaqti 18:00 da tugaydi, lekin rahbar majlisni aynan shu vaqtdan keyinga belgilaydi. Bu qanchalik to‘g‘ri?
JAVOB:
❌ Bu mehnat qonunchiligiga zid holat. Majlis o‘tkazishni tashkilotning ichki hujjati bilan ish vaqtiga kirmaydigan vaqtga belgilab qo‘yish mutlaqo asossiz. Ichki hujjatda shunday belgilangan deb, xodimlardan majlisga qolishni talab qilish ham noqonuniy.
Majlisning ish vaqtidan oldin yoki keyin bo‘lishi xodimlarni ish vaqtidan tashqari ishga jalb qilish hisoblanadi. Bu esa juda jiddiy xato.
Xususan, Mehnat kodeksining 189-moddasiga asosan ish beruvchi tomonidan xodimni xodim uchun belgilangan ish vaqti davomiyligidan tashqari ishga jalb etish ish vaqtidan tashqari ish deb hisoblanadi.
Mehnat kodeksi kodeksining 115-moddasiga ko‘ra, ish beruvchi xodimdan quyidagilarni talab qilishga haqli emas:
- agar ushbu Kodeksda va boshqa qonunda boshqacha qoidalar belgilanmagan bo‘lsa, mehnat shartnomasida shart qilib ko‘rsatilmagan ishni bajarishni;
- qonunga xilof bo‘lgan, xodimning yoki boshqa shaxslarning huquqlarini buzadigan, hayoti va sog‘lig‘ini xavf ostiga qo‘yadigan, ularning sha’ni, qadr-qimmati hamda ishchanlik obro‘siga putur yetkazadigan harakatlarni amalga oshirishni.
Bunday vaziyatlarda ish beruvchiga Ma’muriy javobgarlik to‘g‘risidagi kodeks 49-moddasi bilan (ya’ni, mansabdor shaxs tomonidan mehnat va mehnatni muhofaza qilish to‘g‘risidagi qonun hujjatlarini buzish) bazaviy hisoblash miqdorining besh baravaridan o‘n baravarigacha miqdorda jarima solishga sabab bo‘ladi.
Ish beruvchi ish vaqtidan keyin yoki oldin xodimni biror masalada bezovta qilishi mehnat qonunchiligini buzish sanaladi.
telegram kanal - yurist maslahati