Dekretga ketgan xodimning darslari soatbay asosda beriladimi?
@Yurist_Xizmati 5096-savol:
Assalomu alaykum. Savolim shundan iboratki, men 2024-yil 1-noyabrdan Ingliz tili o‘qituvchisi bo‘lib ishga kirdim. Dekretga ketgan hodimni o‘rniga ishga qabul qilishdi. Buyrug‘imda muayyan muddatga deb yozilgan. Endi savolim shuki, dekretga ketgan hodimni o‘rniga qabul qilingan hodimga (soatbay) deb haq to‘lashi to‘g‘rimi? Bir joyda eshitgandim, 4oygacha soatbay sifatida, undan keyin esa asosiy qilib haq to‘lanadi deb. Hisoblasam meni ishga kirganimga 5oy bo‘libdi, endiyam menga soatbay sifatida haq to‘lashda davom etiladimi?
YURIST JAVOBI:
✅ Dekretga ketgan xodim o‘rniga boshqa xodimni ishga qabul qilish mumkin. Buning huquqiy asoslari mavjud.
Mehnat kodeksining 112-moddasiga muvofiq mehnat to‘g‘risidagi qonunchilikka va mehnat haqidagi boshqa huquqiy hujjatlarga, mehnat shartnomasiga muvofiq ish joyi o‘zida saqlanib qoladigan, yo‘q bo‘lgan xodimning majburiyatlarini bajarish vaqti uchun muddatli mehnat shartnomasi asosida yangi xodimni ishga qabul qilish mumkin bo‘ladi.
Bunda xodim boshqa joyda ishlasama, u asosiy xodim sifatida ishga olinadi, biroq shartnoma muddatli holatda tuziladi.
Ushbu kodeks 237-moddasida homiladorlik va tug‘ish ta’tillari, bola parvarishlash ta’tili ijtimoiy ta’til ekanligi keltirilgan. Endi qarang! MK 239-moddasida barcha ijtimoiy ta’tillar vaqtida xodimning avvalgi ish joyi (lavozimi) saqlanib qolishi belgilangan.
Mana shu qoidaga ko‘ra ish beruvchi dekretga ketgan xodim o‘rniga yangi xodimni ishga olishi mumkin. Bunda ish beruvchi muddatli mehnat shartnomasi asosida boshqa xodimni ishga olishi mumkin bo‘ladi.
✅ Shunga ko‘ra sizni muddatli mehnat shartnomasi asosida ishga qabul qilish to‘g‘ri. biroq soatbay haq to‘lash noto‘g‘ri.
♂️ Aslida Vazirlar Mahkamasining 2005 yil 21 dekabrdagi 275-son qaroriga 3-ilovada tasdiqlangan Xalq ta’limi xodimlari mehnatiga haq to‘lash to‘g‘risidagi Nizom 12-bandiga ko‘ra ketma-ket ikki oydan ortiq bo‘lmagan davrda kasallik yoki boshqa sabablar bilan ishda bo‘lmagan xodimlarning o‘rnini bosish tartibida ishlab berilgan soatlar uchun haq to‘lashda soatbay haq to‘lash qoidalari qo‘llaniladi.
Mehnat kodeksining 404-moddasiga binoan homiladorlik va tug‘ish ta’tili 126 kun (4 oydan ko‘proq) etib belgilangan.
✅ Shunday ekan, sizdagi holatda dekretga ketgan xodimning darslari soatbay haq to‘lash asosida emas, “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizomga (ro‘yxat raqami 3271) muvofiq tarif asosida taqsimlanishi kerak.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati