Question

Maktab direktori operatsiyada uzoq vaqt qolib ketgan o‘qituvchini ishdan bo‘shatishga haqlimi?

@Yurist_Xizmati 5452-savol:

Maktab direktori operatsiyadan keyin (taxminan 130 kun) kasalxonada yotgan o‘qituvchini ishga olmasligi mumkinmi?

YURIST JAVOBI:

❌ Yo‘q, bu holatda ish beruvchi xodimni ishdan bo‘shata olmaydi.

Mehnatga layoqatsizlik varaqalarini berish tartibi to‘g‘risidagi yo‘riqnomaning (ro‘yxat raqami 2667, 17.04.2015-y.) 22-bandiga muvofiq:
♦️aynan bir kasallik bo‘yicha vaqtincha mehnatga layoqatsizlik davri uzluksiz to‘rt oyni tashkil qilsa, sil kasalligi bundan mustasno;
♦️aynan bir kasallik bo‘yicha vaqtincha mehnatga layoqatsizlik davri tanaffus bilan o‘n ikki oy mobaynida jami olti oyni tashkil qilsa, sil kasalligi bundan mustasno;
♦️sil kasalligi birinchi marta aniqlanganda vaqtincha mehnatga layoqatsizlik davri kasallik aniqlangan kundan boshlab kamida o‘n oyni tashkil qilsa;
♦️silga qarshi kurashish muassasasida hisobda turgan bemorda asosiy kasallik kuchaygan — vaqtincha mehnatga layoqatsizlik boshlangandan keyin mehnatga layoqatsizlik davri kamida olti oyni tashkil qilsa, bemor tegishli tibbiy-ijtimoiy ekspert komissiyasiga (keyinchalik matnda TIYEK deb yuritiladi) nogironlik guruhini belgilash uchun yuboriladi.

✅ Shunga ko‘ra bu davrda xodim mehnatga layoqatsiz sanaladi lekin ish beruvchi bilan mehnat munosabatlari davom etadi. Shuning uchun uni ishdan bo‘shatish mumkin emas.

✉️ Yuristga savol yuborish

 Yurist bilan qo‘ng‘iroq orqali bog‘lanish

Barcha turdagi hujjatlarga buyurtma berish
Rasmiy kanalimiz:
 @Yurist_Xizmati