Menejerlik sertifikatisiz maktab direktori bo‘lish mumkinmi?
@Yurist_Xizmati 5679-savol:
Assalomu alaykum 2023 yil pedagogika va psixologiya yunalishini bitirgan, menejerlik sertifikati yuk odam maktabga direktor buladimi.Javob uchun oldindan raxmat
YURIST JAVOBI:
Yo‘q, amaldagi qonunchilikka ko‘ra menejerlik sertifikatisiz umumiy o‘rta ta’lim maktabi direktori lavozimiga tayinlanish mumkin emas.
Buning sababi, O‘zbekiston Respublikasi Maktabgacha va maktab ta’limi vazirining 2025-yil 16-maydagi 159-son buyrug‘ining 12-ilovasi bilan tasdiqlangan "Umumiy o‘rta ta’lim maktabi (maktab-internati) rahbar va xodimlarining asosiy lavozimlarining malaka tavsiflari"ga ko‘ra, maktab direktori lavozimiga quyidagi asosiy malaka talablari belgilangan:
kamida bakalavr darajasidagi oliy ma’lumotga ega bo‘lishi;
menejerlik sertifikatiga ega bo‘lishi;
ta’lim sohasida kamida 5 yil pedagogik ish stajiga ega bo‘lishi.
Shuningdek, nomzod maktab ta’limi sohasidagi qonunchilikni bilishi, axborot-kommunikatsiya texnologiyalaridan foydalana olishi, davlat tilini bilishi va boshqa malaka talablariga ham javob berishi lozim.
Agar siz aytayotgan shaxs 2023-yilda "Pedagogika va psixologiya" yo‘nalishini tamomlagan, lekin:
• menejerlik sertifikatiga ega bo‘lmasa, yoki
• ta’lim sohasida kamida 5 yillik pedagogik stajga ega bo‘lmasa, u holda umumiy o‘rta ta’lim maktabi direktori lavozimiga tayinlanishi qonunchilik talablariga mos kelmaydi.
⚠️ Demak, ushbu holatda nafaqat menejerlik sertifikati, balki kamida 5 yillik pedagogik staj ham majburiy talablardan hisoblanadi.
❗️Shu sababli, 2023-yilda oliy ta’limni tamomlagan shaxs odatda ushbu ikki talabni ham to‘liq bajarmagan bo‘ladi va maktab direktori lavozimiga tayinlanishi mumkin emas.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati