Metodbirlashma va pedagogik kengash yig‘ilishiga uzrsiz qatnashmaslik ishdan bo‘shatishga sabab bo‘ladimi?
@Yurist_Xizmati 4727-savol:
Assalomu alaykum. Metod birlashma yigilishi va pedogogik kengash yigilishiga uzursiz qatnashmaslik ishdan bòshatishga sabab bòladimi? Ikkinchi savolim: Òqituvchi necha kun uzursiz ishga kelmasa ishdan bòshatishga sabab boladi? Javob uchun oldindan raxmat.
YURIST JAVOBI:
Maktabgacha va maktab ta’limi vazirining 2023-yil 20 - dekabrdagi 565-sonli buyrug‘iga 37-ilovada tasdiqlangan Umumiy o‘rta ta’lim muassasalari (ayrim fanlar chuqur o‘rganiladigan ixtisoslashtirilgan muassasalar) xodimlarining lavozim majburiyatlariga asosan o‘qituvchi pedagogik kengash, metodbirlashma yig‘ilishlari, o‘quv-seminar, ochiq darslar va metodik materiallar ishlab chiqishda ishtirok etish majburiyatini bajarishi lozim.
❗️Shunday ekan, sizdagi holatda o‘qituvchi ushbu yig‘ilishlarda ishtirok etishi kerak.
‼️Agar o‘qituvchi mazkur majlislarda uzrsiz sababga ko‘ra qatnashmasa, u mehnat majburiyatini bajarmagan hisoblanadi. Bunday holatda o‘qituvchi bilan tuzilgan mehnat shartnomasini bekor qilish mumkin.
Ikkinchi savolingizga kelsak, bu maktabning ichki tartib qoidalarida yoziladi. Odatda maktabning ichki tartib qoidalarida xodim sababsiz 3 soatdan ortiq ish joyida bo‘lmasa, ishdan bo‘shatish mumkinligi haqida qoida yoziladi.
telegram kanal -yurist xizmati