Filial rahbarlariga xodimlarni ishga olish va ishdan bo‘shatish huquqini berish mumkinmi?
@Yurist_Xizmati 4646-savol:
Assalomu aleykum, Aksiyadorlik jamiyati tizimida faoliyat yuritayotgan Filiallar rahbarlariga mazkur filial xodimlarini ishga qabul qilish va mexnat shartnomasini bekor qilish bo‘yicha vakolatni bersa bo‘ladimi yoki ushbu vakolat filialni tashkil etgan Aksiyadorlik jamiyati vakolat doirasiga kiradimi?
YURIST JAVOBI:
Fuqarolik kodeksining 47-moddasiga asosan filiallar o‘zlarini tashkil etgan yuridik shaxs tomonidan mol-mulk bilan ta’minlanadilar hamda u tasdiqlagan nizomlar asosida ish olib boradilar.
Vakolatxona va filiallarning rahbarlari yuridik shaxs tomonidan tayinlanadi hamda uning ishonchnomasi asosida ish olib boradi.
☝️E’tibor bergan bo‘lsangiz, filial nizom asosida faoliyat yuritishi belgilanmoqda. Mazkur nizom esa uni tashkil etgan y.sh. tomonidan tasdiqlanadi.
Sizdagi holatda filial nizomiga uning rahbari xodimlarni ishga qabul qilish va ishdan bo‘shatish vakolatini kiritib qo‘yishingiz mumkin. Bunga yana bir asos Mehnat kodeksining 19-moddasi hisoblanadi.
Ushbu moddaning ikkinchi qismiga ko‘ra tashkilotlarning filiallari, vakolatxonalari yoki boshqa alohida tarkibiy bo‘linmalari ish beruvchilar sifatida ish yuritishi mumkin.
✅ Shunga ko‘ra nizomda hamda ishonchnomada vakolat bergan holda filial rahbariga xodimlarni ishga qabul qilish va ishdan bo‘shatish huquqini berish mumkin.