Hujjatsiz noturar binoga egalik huquqini olish mumkinmi?
@Yurist_Xizmati 4594-savol:
Uzining yerida xujjatsiz noturar bino kurgan bulsa sud orkali egalik xukukini olsa buladimi?
YURIST JAVOBI:
✅ Ha mumkin. Buning uchun fuqarolik sudiga ariza berish talab etiladi.
Fuqarolik kodeksining 212-moddasiga asosan qonunchilikda belgilangan tartibda qurilish maqsadlari uchun ajratilmagan yer uchastkalarida, shuningdek imorat qurish uchun zarur ruxsatnoma olmasdan yoki arxitektura va qurilish normalari hamda qoidalarini jiddiy buzgan holda qurilgan uy-joy, boshqa bino, inshoot yoki o‘zga ko‘chmas mulk o‘zboshimchalik bilan qurilgan imorat hisoblanadi.
Shunga ko‘ra yuqoridagi mezonlarga javob bermasdan qurilgan bino, inshootlar o‘zboshimchalik bilan qurilgan hisoblanadi.
♂️ Bunda o‘zboshimchalik bilan imorat qurgan shaxs unga mulk huquqini ololmaydi.
❗️Lekin ushbu moddaning to‘rtinchi qismiga ko‘ra imorat qurilgan yer uchastkasining mulkdori bo‘lgan, unga umrbod meros sifatida egalik qilayotgan, doimiy egalik qilayotgan va foydalanayotgan shaxsning o‘zboshimchalik bilan qurilgan imoratga nisbatan mulk huquqi sud tomonidan e’tirof etilishi mumkin.
Bu holda imoratga nisbatan mulk huquqi e’tirof etilgan shaxs imorat qurgan shaxsning xarajatlarini sud belgilagan miqdorda qoplaydi.
✅ Aynan shu qoidani asos qilib, siz fuqarolik sudiga egalik huquqini e’tirof etish bo‘yicha ariza berishingiz lozim.