Vaqtinchalik qurilgan noturar joyga stomatologiya xizmati uchun litsenziya olish mumkinmi?
@Yurist_Xizmati 4575-savol:
Vaktinchalik kurilgan noturar joyga stomatologiya xizmati uchun litsenziya olish mumkinmi javob uchun oldindan raxmat
YURIST JAVOBI:
❗️Bunday holatda litsenziya berish rad qilinishi mumkin.
Chunki Maxsus elektron tizim orqali ayrim faoliyat turlarini litsenziyalash tartibi to‘g‘risidagi yagona nizomga 27-ilovada tasdiqlangan Tibbiy faoliyatni litsenziyalash Pasportiga muvofiq litsenziya uchun talabgorda quyidagi talablarga javob beruvchi moddiy-texnik bazaning mavjud bo‘lishi:
mulkchilik asosida yoki boshqa mulkiy huquqlar bo‘yicha tegishli bo‘lgan, sanitariya qoidalari, me’yorlari va gigiyenik normativlarga mos bo‘lgan litsenziyalangan faoliyat turini amalga oshirishga mo‘ljallangan xonalar (tibbiy faoliyat yo‘nalishida mobil ilovalardan foydalangan holda masofadan turib tibbiy konsultatsiya va ko‘rikni tashkil etishda mazkur talab tatbiq etilmaydi);
mulkchilik asosida yoki boshqa mulkiy huquqlar bo‘yicha tegishli bo‘lgan, tegishli metrologik me’yorlar va texnika xavfsizligi me’yorlariga mos bo‘lgan uskunalar va boshqa texnika vositalari, shu jumladan, tibbiy texnika, (tibbiy faoliyat yo‘nalishida mobil ilovalardan foydalangan holda masofadan turib tibbiy konsultatsiya va ko‘rikni tashkil etishda mazkur talab tatbiq etilmaydi);
terapevtik yo‘nalish va diagnostika ixtisosliklari bo‘yicha tibbiy faoliyatni amalga oshirishda sterilizatsiya ishlarini bajarishga shartnoma yoki sterilizatsiya bo‘limi; ✖️
tug‘ruqni qabul qilish tashkil etilganda muassasada tug‘ruq (jarrohlik bloki bilan), jonlantirish, chaqaloqlarni jonlantirish, muddatiga yetmay tug‘ilgan chaqaloqlarni parvarish qilish, homiladorlar patologiyasi, endovizual ginekologiya bo‘limlari, poliklinika (ginekologiya, neonatologiya, pediatriya, ultratovush diagnostikasi), bakteriologiya va klinik-biokimyo laboratoriyalar tashkil etish;
xirurgiya yo‘nalishidagi ixtisosliklar, shu jumladan, stomatologiya bo‘yicha tibbiy faoliyatni yuritishda sterilizatsiya bo‘limi.✖️
Shuni ham aytish kerakki, ✖️ belgisi qo‘yilgan mezonlar qo‘pol ravishda buzish deb hisoblanadigan talab va shartlar toifasiga kiradi.
♂️ Shunday ekan vaqtinchalik qurilgan imoratda yuqoridagilarni ta’minlash mumkin bo‘lmaydi.