Dekretga ketgan xodimning vazifasi boshqa xodimga yuklatilganda qanchagacha haq to‘lanadi?
@Yurist_Xizmati 4639-savol:
Assalomu alaykum men maktab internatda dars beraman.Mart oyida bitta ukituvchimiz dekret tatiliga chikdi va menga uning yarim stafkasini berishdi.U xodim 5 iyulgacha dekret tatilida bulgan 5 iyuldan 25 avgustgacha mexnat tatilida.Men mexnat tatilidan 29 iyulda chikdim Savol menga avgust oyligi tulanadimi? Kadr sizga avgust tulanmaydi u mexnat tatilida dvaynoy tulov buladi deyebtilar shu rostmi?
YURIST JAVOBI:
Bu holatda sizga dekretga ketgan o‘qituvchining ishini yuklash haqidagi buyruqqa qarash kerak.
Agar buyruqda uning vazifasi o‘sha xodim homiladorlik va tug‘ish ta’tilidan qaytgunga qadar sizga yuklatilgan bo‘lsa, unda avgust oyi uchun sizga o‘sha xodimning ish haqi to‘lanmaydi.
♂️ Sababini quyidagicha tushuntiramiz. Mehnat kodeksining 116-moddasi birinchi qismiga ko‘ra xodimning roziligi bilan unga ish kunining (smenaning) belgilangan davomiyligi mobaynida xuddi o‘sha ish beruvchida qo‘shimcha haq evaziga mehnat shartnomasida shart qilib ko‘rsatilgan asosiy ish bilan bir qatorda, asosiy ishidagi kabi aynan o‘sha kasb (lavozim) bo‘yicha yoki boshqa kasb (lavozim) bo‘yicha ham qo‘shimcha ishni bajarish topshirilishi mumkin.
Ushbu moddaning ikkinchi qismida vaqtincha yo‘q bo‘lgan xodimning majburiyatlarini mehnat shartnomasida belgilangan, asosiy ishidagi ayni o‘sha kasb (lavozim) yoki boshqa kasb (lavozim) bo‘yicha ishdan ozod etilmagan holda bajarish vaqtincha yo‘q bo‘lgan xodimning ishini bajarish hisoblanadi.
❗️Shunga ko‘ra vaqtincha yo‘q bo‘lgan xodimning vazifasini bajarish boshqa xodim zimmasiga yuklatiladi. Demak, sizga ham yuqoridagi qoidaga asosan, homiladorlik va tug‘ish ta’tiliga yetgan o‘qituvchining vazifasi yuklatilgan. Bunda yuqoridagi moddaning uchinchi qismiga ko‘ra xodimga qanday vazifa yuklatilayotgani, uning mazmuni va muddati ko‘rsatilishi kerak.
✅ Shunday ekan, sizdagi vaziyatda ham o‘sha xodimning vazifasi qancha muddatga yuklatilgan bo‘lsa, shu muddatga qo‘shimcha haq to‘lanadi.