Question

Xodim tuberkulyoz kasalligiga chalinganda ishga chiqmaslikka haqqi bormi?

@Yurist_Xizmati 5338-savol:

Bogacha mudirasiish tuberkulez kassaliga chalingan ishga kelishga va ishlashga xaklimi kaysi kodeks va konunga asosan

YURIST JAVOBI:

O‘zbekiston Respublikasi sog‘liqni saqlash vazirining 2012-yil 10-iyuldagi 200-son buyrug‘i bilan "Xodimlarni tibbiy ko‘rikdan o‘tkazish tartibi to‘g‘risida"gi NIZOM tasdiqlangan. Mazkur nizomning 3-ilovasida "Dastlabki tarzda va vaqti-vaqti bilan tibbiy ko‘rikdan o‘tkazilishi shart bo‘lgan oziq-ovqat sanoatida, savdo va bevosita aholiga xizmat ko‘rsatish bilan bog‘liq bo‘lgan boshqa tarmoqlardagi ishlarda band bo‘lgan, shuningdek umumta’lim maktablari, maktabgacha ta’lim va boshqa muassasalarning bevosita bolalarga ta’lim yoki tarbiya berish bilan shug‘ullanuvchi pedagoglar va boshqa xodimlar RO‘YXATI" keltirilgan.

Aynan mazkur ro‘yxatda Maktabgacha ta’lim muassasalari, bolalar uylari, maktab-internatlar, bolalar sanatoriylari, “Muruvvat uylari” va “Mehribonlik uylari” xodimlari bir yilda 2 marta tibbiy ko‘rikdan o‘tishi belgilangan.

Bundan tashqari, ishga qo‘yish uchun qarshilik ko‘rsatuvchi umumiy tibbiy moneliklarga qo‘shimcha tibbiy moneliklar ro‘yxatida Tuberkulyoz, oqma yaralar, bakteriuriya, yuz va qo‘llarning tuberkulyoz volchankasi bilan kechuvchi o‘pkadan tashqari tuberkulyoz kasalliklari ham keltirilgan.

❗️Bundan kelib chiqadiki, mazkur kasalliklar bo‘lganda xodim ishga qo‘yilmaydi.

 Yuristga savol yuborish

☎️ Yurist bilan qo‘ng‘iroq orqali bog‘lanish

Barcha turdagi hujjatlarga buyurtma berish

Rasmiy kanalimiz:
 @Yurist_Xizmati