Oylik maoshni qanday undirib olish mumkin?
@Yurist_Xizmati 5376-savol:
Uglim xorijda ishlab keldi, brigadira Uzb.R fukarosi 1oylikni bermay uyiga kelgan , maoshini kanday kilib undirib olish mumkin, iltimos maslaxat bering
YURIST JAVOBI:
Bu holatda siz ham jabrlanuvchi sifatida prokuraturaga shikoyat qilishingiz lozim. Mazkur holatda o‘sha odamning harakatlari jinoyat alomatlari bo‘lishi mumkin.
♂️ Yanada aniqroq aytadigan bo‘lsak, firibgarlik jinoyatining alomatlari mavjud bo‘lishi mumkin.
Jinoyat kodeksi 168-moddasida firibgarlik, ya’ni aldash yoki ishonchni suiiste’mol qilish yo‘li bilan o‘zganing mulkini yoki o‘zganing mulkiga bo‘lgan huquqni qo‘lga kiritish jinoyati uchun javobgarlik va jazo belgilangan.
O‘zbekiston Respublikasi Oliy sudi Plenumining 2017 yil 11 oktyabrdagi 35-sonli «Firibgarlikka oid ishlar bo‘yicha sud amaliyoti to‘g‘risida»gi qaroriga ko‘ra firibgarlikda aldash deganda, aybdor tomonidan, bila turib, haqiqatga to‘g‘ri kelmaydigan yolg‘on ma’lumotlar xabar qilinishi yoki ish holati bo‘yicha mulkdor, mulkning boshqa egasiga ma’lum qilinishi lozim bo‘lgan haqiqiy faktlarni yashirish yoxud bunday shaxslarni yanglishtirishga qaratilgan qasddan sodir etilgan harakatlar tushuniladi.
☝️E’tibor bering! Yuqoridagi qarorning 8-bandiga ko‘ra agar shaxs o‘zganing mulkini yoki unga bo‘lgan huquqni mazkur mulk yoki huquq unga berilishi sharti bilan bog‘liq majburiyatlarni bajarmaslik niyatida olgan yoki egallagan bo‘lsa, qilmish aybdorda o‘zganing mulkini yoki unga bo‘lgan huquqni qo‘lga kiritishga nisbatan qasd faqat o‘zganing mulki yoki unga bo‘lgan huquq qo‘lga kiritilgunga qadar paydo bo‘lgan holdagina firibgarlik sifatida kvalifikatsiya qilinishi lozim.
❗️Shunga ko‘ra o‘sha shaxsning harakatlarida yuqoridagi jinoyat alomatlari mavjud bo‘lsa, unda siz pulni sudgacha ya’ni tergov bosqichida yoki suddan keyingina olishingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati