Bir shaxsga mashina sotgandim, pulimni ololmayabman, qanday olish mumkin?
@Yurist_Xizmati 5032-savol:
Assalomu aleykum. 22.09.2024 kuni bir shaxsga avtomobil sotganman. Hech qanday tilxat bermagan kelishuv jarayonini video syomka qilib olganman 2 oydan moshina pulini qilib beraman degan Haligacha pulimni olmayapman. Nima qilsam bo‘ladi?
YURIST JAVOBI:
✅ Bu holatda siz bemalol avtomashinangizni o‘sha odamdan qaytarib olishingiz mumkin.
Qarang! Fuqarolik kodeksi 386-moddasiga ko‘ra qonunchilikda belgilangan tartibda davlat ro‘yxatidan o‘tkazilishi lozim bo‘lgan avtomototransport vositalarining oldi-sotdi shartnomasi notarial tasdiqlangan bo‘lishi kerak.
☝️Ushbu qoidaning mazmuniga ko‘ra avtomashina oldi-sotdi bo‘lganda bu shartnoma albatta notarial tartibda tasdiqlanishi kerak.
Bunda ushbu kodeks 185-moddasi ikkinchi qismiga asosan agar mol-mulkni boshqa shaxsga berish haqidagi shartnoma davlat ro‘yxatidan o‘tkazilishi yoki notarial tasdiqlanishi kerak bo‘lsa, mol-mulkni oluvchida mulk huquqi shartnoma ro‘yxatdan o‘tkazilgan yoki tasdiqlangan paytdan boshlab, shartnomani ham notarial tasdiqlash, ham davlat ro‘yxatidan o‘tkazish zarur bo‘lganida esa — ro‘yxatdan o‘tkazilgan paytdan boshlab vujudga keladi.
❗️Demak, siz og‘zaki kelishuv asosida yoki tilxat asosida mashinangizni sotgan bo‘lsangiz ham unga nisbtan mulk huquqi sizda saqlanib qolaveradi.
♂️ Qachonki bu shartnoma notarial tasdiqlanib, avtotransportning o‘zi esa DYXXda ro‘xyatgan o‘tgandan so‘ng mulk huquqi sotib olgan odamga o‘tadi.
✅ Shunga ko‘ra siz mashinangizni bemalol o‘sha odamdan qaytarib olishga haqlisiz.