Hovlini boshqa bir shaxsga hadya qilish mumkinmi?
@Yurist_Xizmati 5454-savol:
Assalomu aleykum men ayelim va bitta bolam va onam birga xovliga yashaymiz onam xovlini boshka shaxs nomiga yeki xadiya kilishi mumkinmi bizlar xam shu xovliga ruyxatga turamiz yeki bizlarni ruxsatimiz kerakmi? Xovli onamni nomiga
YURIST JAVOBI:
Fuqarolik kodeksi 164-moddasiga ko‘ra:
mulk huquqi shaxsning o‘ziga qarashli mol-mulkka o‘z xohishi bilan va o‘z manfaatlarini ko‘zlab egalik qilish, undan foydalanish va uni tasarruf etish, shuningdek o‘zining mulk huquqini, kim tomonidan bo‘lmasin, har qanday buzishni bartaraf etishni talab qilish huquqidan iboratdir.
Sizning murojaatdagi mol-mulk - hovli, mulk huquqiga ega, mulkdor esa - onangizdir.
✅ Demak, yuqoridagi mulk huquqi to‘g‘risidagi qoida onangizga tegishli va u mulkdor sifatida hovlini o‘z xohishiga ko‘ra va manfaatini ko‘zlagan holda sotishi yoki hadya qilishi (tasarruf etishi) mumkin.
❗️Siz oilangiz bilan u hovlida yashashingiz va propiskada turishingiz mulk huquqini bermaydi, u shunchaki, o‘sha hovlida yashashingiz haqida ma’lumot beradi.
Shuningdek, Uy-joy kodeksining 32-moddasida:
uy, kvartira mulkdorining oila a’zolari, shuningdek u bilan doimiy yashayotgan fuqarolar, agar ularni ko‘chirib kelgan paytda yozma ravishda boshqa hol qayd etilgan bo‘lmasa, uydagi, kvartiradagi xonalardan mulkdor bilan teng foydalanishga haqlidirlar deyilgan.
Ushbu norma orqali sizda hovlidan foydalanish huquqi borligi aks ettirilgan. Shuningdek, voyaga yetmagan farzandingiz ham hovlida yashashga, ayolingiz esa yashatishga mulkdor (onangiz) roziligi bn yashashga haqli. Bunda hovlidan foydalanish ya’ni yashash tartibi taraflar tomonidan o‘zaro kelishiladi.
♂️ Siz so‘ragan rozilik talab qilishi haqidagi qoida esa, faqat umumiy mulkka nisbatan ishlaydi. Bunda hovli faqat onangiz nomida emas, balki ulush sifatida siz yoki oilangizdan kimningdir nomida bo‘lishi kerak. Kadastr pasportida ham xuddi shunday, bir necha mulkdor nomi ko‘rsatilgan hollarda umumiy mulk hisoblanib, umumiy mulk qoidalari ishlar edi. Hozir esa, hovli onangiz nomida va mulk huquqi onangizda.
❗️Xulosa shuki, onangiz mulkdor sifatida hovlini o‘z xohishicha va manfaatlarini ko‘zlagan holda hadya qilishi, sotishi (qisqasi mulkning taqdirini belgilashi) mumkin. Bunda siz va oilangizdan ruhsat talab qilinmaydi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati