Ilmiy maqolani boshqa shaxs o‘zlashtirmasligi uchun qanday chora ko‘rsa bo‘ladi?
@Yurist_Xizmati 5377-savol:
Assalomu aleykum. Men xozirda magistratura boskichida ukiyapman. Xalkaro konferensiyaga ilmiy makolamni topshirmokchi man. U makolamni boshka inson uzlashtiraolmasligi uchun kanday chora kursam buladi?
YURIST JAVOBI
Bu holatda huquq siz maqolani chop etishingiz bilan ishga tushadi. Ya’ni siz alohida qo‘shimcha harakat qilishingiz kerak emas.
Qarang! Fuqarolik kodeksining 1031-moddasiga muvofiq maqola intellektual foaliyat natijasi sanaladi. Unga nisbatan vujudga keladigan mualliflik huquqi asar yaratilishi bilan vujudga keladi.
Shuningdek, ushbu kodeks 1032-moddasiga binoan intellektual mulk obyektlarini huquqiy muhofaza qilish ularning yaratilganligi tufayli yoxud ushbu Kodeksda yoki boshqa qonunlarda nazarda tutilgan hollarda va tartibda vakolat berilgan davlat organi tomonidan huquqiy muhofaza berilishi natijasida yuzaga keladi.
☝️Shu qoidaga ko‘ra fan, san’at va adabiyot asarlari (umuman olganda asarlar, shu jumladan maqolalar) yaratilishi bilanoq huquqiy muhofazaga olinadi.
❌ Yuqoridagi qoidalar maqolangiz nashr qilinishi bilan boshqa shaxslarning undan foydalanishini taqiqlaydi.
Agar kimdir maqolangizni sizning ruxsatingizsiz ko‘chirib foydalansa, unda himoya choralari ishga tushadi.
Ya’ni FK 1040-moddasiga muvofiq mutlaq huquqlarni himoya qilish shuningdek:
mutlaq huquqlar qaysi moddiy obyektlar yordamida buzilgan bo‘lsa, o‘sha moddiy obyektlarni hamda bunday buzish natijasida yaratilgan moddiy obyektlarni olib qo‘yish orqali;
yo‘l qo‘yilgan buzish haqidagi ma’lumotni majburiy suratda e’lon qilib, unga buzilgan huquq kimga tegishliligi to‘g‘risidagi ma’lumotlarni kiritish orqali.
❗️Demak, kimdir maqolangizni ko‘chirsa yoki sizning mualliflik huquqlaringizni buzsa, siz yuqoridagi huquqlardan foydalanishingiz mumkin. Buning uchun hududiy adliya organlariga murojaat qilish kifoya.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati