AJRIMDAN KЕYIN ONA BOLANI OTAGA KO‘RSATMASLIKKA HAQQI BORMI ?
⚡️Savol;
O‘g‘lim kelinim bilan ajrashdi. Kelinim bizga nabiramizni ko‘rishga qarshilik kilmokda. Shunga nima kilsak bo‘ladi. Kelinimizning bunga haqqi bormi ?
⚡️Javob;
Oila kodeksining 77-moddasiga asosan, bobo, buvi, aka-uka, opa-singil va boshqa yaqin qarindoshlar bola bilan ko‘rishib turish huquqiga ega.
➖ Ota-ona (ulardan biri) yaqin qarindoshlarning bola bilan ko‘rishishiga imkoniyat bermasalar, vasiylik va homiylik organi ota-onani (ulardan birini) bunday imkoniyat berishga majbur qilishi mumkin. Agar ota-ona vasiylik va homiylik organining qarorini bajarmasa, bolaning yaqin qarindoshlari yoki vasiylik va homiylik organi bola bilan ko‘rishib turishga to‘sqinlik qiluvchi hollarni bartaraf qilish haqida da’vo bilan sudga murojaat qilishga haqlidir. Sud bolaning manfaatlarini va bolaning fikrini hisobga olgan holda nizoni hal qiladi.
❗️Sudning hal qiluv qarori bajarilmagan taqdirda aybdor shaxsga nisbatan qonunchilikda nazarda tutilgan choralar qo‘llaniladi.
✏️ Demak, Sizlar bu masalada vasiylik va homiylik organiga masalani hal etib berishlarini so‘rab murojaat qilishlaring kerak!