Domlarning 1 qavatida yashaydigan fuqarolar domning tutash yeriga birnimalar qurishga haqqi bormi?
@Yurist_Xizmati 5091-savol:
Man Toshkent viloyatida 2 kavatli uylarning 1chi kavatida yashiyman. Xonadon uzimni nomimda. Uyga tutash bulgan yer uchastkasiga yengil konstruksiyadan soyabon naves kurishim uchun xukuiy asoslar bormi yoki umuman konuniylashtirib naves kurish mumkin emasmi?
YURIST JAVOBI:
❌ Bu yer uchastkasiga biron bir inshoot qura olmaysiz, xatto yengil konstruksiyali bo‘lsa ham.
Chunki Ko‘p kvartirali uylarni boshqarish to‘g‘risidagi qonun 7-moddasiga ko‘ra Ko‘p kvartirali uyga tutash yer uchastkasi mahalliy davlat hokimiyati organlari tomonidan ko‘p kvartirali uydagi joylarning mulkdorlariga doimiy foydalanish huquqi asosida ajratiladi.
☝️E’tibor bergan bo‘lsangiz, ushbu yer uchastkasi “ko‘p kvartirali uydagi joylarning mulkdorlariga” ajratilishi nazarda tutilmoqda.
♂️Bunda ko‘p kvartirali uyga tutash yer uchastkasi bo‘linmasdir va mustaqil yer uchastkalariga ajratilishi mumkin emas.
Qonunning 12-moddasiga binoan Uy-joy fondi inspeksiyasi ko‘p kvartirali uylarni, ko‘p kvartirali uylarga tutash yer uchastkalarini sanitariya normalariga, qoidalariga va gigiyena normativlariga muvofiq saqlash bo‘yicha talablarga va ulardan texnik foydalanish qoidalari va normalariga rioya etilishi hamda mulkdorlar tomonidan joylarning o‘zboshimchalik bilan qayta qurilishiga va qayta rejalashtirilishiga yo‘l qo‘yilmasligi holatlarini nazorat qiladi.
Ushbu qoidaning mazmuniga ko‘ra ko‘p qavatli uyga tutash yer uchastkasida ma’lum bino yoki inshoot qurilishiga yo‘l qo‘yilmasligi yuqoridagi organ tomonidan nazorat qilib boriladi.
Shuningdek, qonunning 13-moddasida joylarning mulkdorlari umumiy mol-mulkdan hamda uyga tutash yer uchastkasidan foydalanishda teng huquqlarga egaligi nazarda tutilgan.
❗️Aynan shu nuqtayi nazardan olganda, sizdagi vaziyatda garchi sizning uyingiz 1 qavatda bo‘lsa ham, unga tutash yer uchatkasidan barcha mulkdorlar teng foydalanish huquqiga ega.
♂️Shu sababli siz bu yer uchatkasida yengil konsturksiyasi soyabon qura olmaysiz.