Question

Telegram guruhdan chiqarib yuborganlik uchun javobgarlik bormi?

@Yurist_Xizmati 5245-savol:

Assalomu alaykum. Men maktab rahbariman. O‘zim telegramda shaxsiy guruh ochib, yuritaman.
Maktab xodimlari ushbu guruhga a’zo qilingan. Guruhda maktab ma’muriyati ustidan shikoyat qilgan, o‘ziga tegishli bo‘lmagan xabarlarni yozib, jamoa o‘rtasida fitna tarqatishga uringan xodimni guruhdan o‘chirdim. Endi bu xodim meni bu harakatim noqonuniy ekanligini aytib, yuqori turuvchi tashkilotlarga murojaat qilmoqda. Xodimning bu talabi to‘g‘rimi? Mening shaxsiy guruhimni yuritishga xodim tomonidan shu tarzda e’tiroz bildirishi to‘g‘rimi? Guruh davlat ro‘yxatidan o‘tmagan. Umuman topshiriqqa javob yozmagan yoki o‘ziga tegishli bo‘lmagan ma’lumotni guruhga tashlagan o‘qituvchini ega sifatida guruhdan chetlashishim mumkinmi? Bunga qonuniy javob berishingizni so‘rayman.
YURIST JAVOBI:

Telegram ijtimoiy tarmog‘i bu rasmiy so‘zlashuv maydoni emas.

‍♂️ Siz o‘sha hamkasbingizni guruhdan chiqarib yuborganligingiz hech qanday javobgarlik keltirib chiqarmaydi.

‍♂️ Bundan tashqari o‘sha guruhning egasi ham siz ekansiz. Shunday ekan guruhda kim qolishi yoki ketishi kerakligini ham siz hal qilasiz. Bunday holatdan qandaydir huquqiy asos keltirish ham kerak emas.

❗️Chunki hech bir qonunchilik manbasida ijtimoiy tarmoqdagi guruhdan chiqarib yuborganlik uchun javobgarlik nazarda tutilmagan.

✉️ Yuristga savol yuborish

 Yurist bilan qo‘ng‘iroq orqali bog‘lanish

Barcha turdagi hujjatlarga buyurtma berish
Rasmiy kanalimiz:
 @Yurist_Xizmati