Kasaba uyushmasi badalini to‘lash majburiymi?
@Yurist_Xizmati 5180-savol:
Assalomu aleykum! O‘zbekiston Milliy Universitetitida ishlayman. Ish xaqimdan 1% ushlab qolinadi. Kasaba uyushmasi badalini to‘lash majburiymi? Kasaba uyushmasiga a’zo bo‘lish xodimga qanday imkoniyatlar beradi? A’zolikdan qanday voz kechishim mumkin? Bayramlarga beriladigan premiyalar qanday mablag‘lardan moliyalashtiriladi?
YURIST JAVOBI:
✅ Kasaba uyushmasiga kirish va chiqish ixtiyoriy.
1️⃣Birinchidan, O‘zbekiston Respublikasi Konstitutsiyasining 73-moddasi birinchi qismiga ko‘ra kasaba uyushmalari xodimlarning ijtimoiy-iqtisodiy huquqlarini va manfaatlarini ifoda etadilar va himoya qiladilar.
Ushbu moddaning ikkinchi qismida kasaba uyushmalariga a’zo bo‘lish ekanligi mustahkamlangan.
2️⃣Ikkinchidan, Kasaba uyushmalari to‘g‘risidagi qonunning 18-moddasiga muvofiq ish beruvchi kasaba uyushmasining a’zolari bo‘lgan xodimlarning yozma arizalari mavjud bo‘lganda kasaba uyushmasining tegishli hisobvarag‘iga xodimlarning ish haqidan ushlab qolingan kasaba uyushmasiga a’zolik badallarini, agar jamoa shartnomasida, kelishuvida shunday qoida nazarda tutilgan bo‘lsa, o‘z vaqtida o‘tkazishi shart.
✅ Shunga ko‘ra sizdagi vaziyatda bemalol kasaba uyushmasi badalini ixtiyoriy asosda to‘lashingiz mumkin.
Mehnat kodeksining 269-moddasiga ko‘ra xodimning yozma roziligi bilan uning ish haqidan ushlab qolish mumkinligi keltirilgan.
Mazkur normaning ikkinchi qismida xodimning roziligisiz uning ish haqidan ushlab qolish asoslari belgilangan bo‘lib, unda kasaba uyushmasiga a’zolik badallarini majburiy ushlab qolish qayd etilmagan.
❗️Shunga ko‘ra sizdagi holatda a’zolik badali faqat sizning roziligingiz bilan ushlab qolinadi. Agar rozi bo‘lmasangiz, unda badal ushlab qolinmaydi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati