Sport maktabida faoliyat yuritayotgan tibbiyot xodimlariga ustama to‘lash to‘xtatildimi?
@Yurist_Xizmati 5031-savol:
Assalom alaykum savolim bor edi. Savol bersam buladimi? Men Sport maktabda xamshira bulib ishlayman bizga chempionlarga ustama tulanardi xozir shuni olib tashlandi bir joylarga tulanyapdi anik kuchga kirdimi shuni bilib bering
YURIST JAVOBI:
Vazirlar Mahkamasining 2010-yil 23-sentyabrdagi 211-son qaroriga 2-ilovada tasdiqlangan O‘zbekiston Respublikasidagi O‘zbekiston Respublikasi Davlat budjetidan moliyalashtiriladigan sport maktablari xodimlari mehnatiga haq to‘lash va ularning mehnatini moddiy rag‘batlantirish tartibi to‘g‘risidagi Nizomning amaldagi tahrirda quyidagi qoidalar belgilangan.
Mazkur nizomning 23-bandiga ko‘ra Sport maktablarining direktorlari, direktorlarning o‘quv ishlari bo‘yicha o‘rinbosarlari, sport ishlari bo‘yicha o‘rinbosarlari, instruktor-metodistlari, trener-o‘qituvchilari va tibbiyot xodimlari mehnatini rag‘batlantirish maqsadida ularga, o‘quvchi-sportchilar yuqori sport natijalariga erishgan taqdirda, bazaviy tarif stavkasiga (tarif stavkasiga) pastda rasmda ko‘rsatilgan har oylik ustamalar belgilanadi.
❗️Ushbu qoidalar hozirda (ya’ni 19.03.2025 sana holatida) amalda turibdi.
✅ Shunga ko‘ra sizdagi holatda ham sport maktabida faoliyat yuritayotgan tibbiyot xodimlariga yuqoridagi ustamalar to‘lanilishi mumkin deb hisoblaymiz.