Intizomiy jazosi bor xodimga ustama to‘lash mumkinmi?
@Yurist_Xizmati 4523-savol:
Assalauma aleykum. Savolim bor edi. Tibbiyet xodimlarini ragbatlandirish tugrisidagi nizomda oylik ustamalar kursatilgan. Savolim shuki, intizomiy jazosi bor xodimga ustama tulash mumkinmi? Shunga batafsil javob bersangiz
YURIST JAVOBI:
✅ Ustama to‘lanadi.
Intizomiy ta’sir chorasi qo‘llanilishi xodimning mehnati bilan bog‘liq rag‘batlantirish choralarini qo‘llamaslik uchun asos bo‘lmaydi.
Yangi tahrirdagi Mehnat kodeksining 299-moddasi beshinchi qismiga muvofiq intizomiy jazoning amal qilish muddati ichida xodimga nisbatan rag‘batlantirish choralari, shu jumladan mehnatga haq to‘lash tizimiga kirmaydigan va mehnat natijalariga asoslanmagan mukofotlar ham (bayramlar, shu jumladan kasb bayramlari, yubileylar munosabati bilan va hokazolar) qo‘llanilmaydi.
☝️Qoidaning mazmuniga ko‘ra, intizomiy ta’sir chorasi qo‘llanilgan xodimlarga mehnat natijasiga asoslanmagan rag‘batlantirish choralari qo‘llanilmaydi.
Ikkinchidan, ushbu moddaning to‘rinchi qismida ish haqi, mukofotlar, qo‘shimcha to‘lovlar, ustamalar va mehnatga haq to‘lash tizimida nazarda tutilgan boshqa to‘lovlar rag‘batlantirish turlari jumlasiga kirmaydi.
✅ Yuqoridagi qoidaning mazmuniga ko‘ra, siz ustamaga bemalol da’vogarlik qilishingiz mumkin.