Maktab direktori yoki zavuch tayinlangan ustamani o‘zlaricha kamaytirishga yoki bekor qilishga haqli emas
@Yurist_Xizmati 5126-savol:
Assalomu alaykum Maktabda berilayetgan ustama xakini tayinlashda kuzatuv kengashi a’zosi bulmagan ilmiy bulim mudiri (bizda 2nafar ilmiy bulim mudiri bor)Men "zavuchman "deb aralishib kengash tomondan tayinlangan ustamani olib tashlashga xakki bormi?
YURIST JAVOBI:
❗️Maktabda ustama ishchi guruhning qarori asosida belgilanadi.
♂️ Ishchi guruh a’zosi bo‘lmagan shaxslarning ustama tayinlashga aralashishi mumkin emas.
Vazirlar Mahkamasining 2019 yil 30 sentyabrdagi 823-son qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”nizom 9-bandiga ko‘ra pedagog, psixolog va kutubxona xodimlarining bazaviy tarif stavkasiga har oylik ustama belgilash, umumta’lim muassasalari xodimlarini mukofotlash va ularga moddiy yordam berish umumta’lim muassasalarida tashkil etiladigan ustamalar belgilash, moddiy rag‘batlantirish va moddiy yordam berish bo‘yicha ishchi guruhlar tomonidan amalga oshiriladi.
Bunda nizomning 10-bandiga ko‘ra quyidagilar:
o‘quv ishlari bo‘yicha direktor o‘rinbosari, ma’naviy-ma’rifiy ishlar bo‘yicha direktor o‘rinbosari, kasaba uyushmasi qo‘mitasi raisi, umumta’lim muassasasi pedagog xodimlari orasidan hamda umumiy o‘rta ta’lim muassasasi kuzatuv kengashi va o‘quvchilarning ota-onalaridan vakillar – ishchi guruh a’zolari hisoblanadi.
✅ Shunga ko‘ra sizdagi vaziyatda yuqoridagi shaxslar ishchi guruh a’zosi sifatida ustama tayinlash to‘g‘risida qaror qabul qilishga haqli.
♂️ Bunda ustama mazkur nizomga ilovada tasdiqlangan pedagog, psixolog va kutubxona xodimlarining faoliyatini baholash mezonlariga muvofiq to‘plagan ballarga qarab belgilanadi.
❌ Shunday ekan, siz to‘plagan ballarni direktor yoki uning o‘rinbosarlari o‘zlaricha kamaytirishga haqli emas.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati