Jamg‘armada pul yetmayapti deb tayinlangan ustamani kamaytirish to‘g‘rimi?
@Yurist_Xizmati 5122-savol:
Maktabda o‘qituvchi bo‘lib ishlayman 35 % ustama olaman endi direktor jamg‘armasidagi pul yetmayabdi deb maktabdagi xamma o‘qituvchilarni ustama foizini 10 -15 foizga qisqartiryabdi. Asos direktor jamg‘armasidagi pul ozligi ekan.Ulug‘nor tumanidagi xamma maktablarda shu ahvol. Yanvardan Smeta tasdiqlansa bu narsalar xisobga olinmaydimi. Qayega borsang bor deyishyabdi .shu ish qonunan to‘g‘rimi. Tuman XTB mudiri topshirig‘i deyabdi zavuch
YURIST JAVOBI:
Ustama o‘qituvchining bir o‘quv yilidagi natijalariga qarab belgilanadi. Bunda o‘qituvchining ma’lum muddat mehnatga qabilyatsiz bo‘lishi, dekret ta’tili olishi, malaka oshirishga borishi ustamaga da’vogarlik qilishga ta’sir ko‘rsatmaydi.
Vazirlar Mahkamasining 2019 yil 30 sentyabrdagi 823-son qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”nizomning 20-bandiga ko‘ra pedagog xodimlarining bazaviy tarif stavkalariga har oylik ustamalar:
⏩ tarbiyaviy jarayonning amalga oshirilish sifati va samaradorligiga;
⏩ sinfdan tashqari ishlarga hamda o‘quvchilarni insonparvarlik va mehr-oqibat ruhida tarbiyalashga;
⏩ tegishli sinflar va o‘quv fanlari uchun tasdiqlangan umumiy o‘rta ta’limning davlat ta’lim standartlarida nazarda tutilgan bilimlar va ko‘nikmalar to‘liq hajmining o‘quvchilar tomonidan o‘zlashtirib olinishi darajasiga;
⏩ o‘quv jarayoniga qo‘shilgan aniq hissa, o‘qitishning yuqori samaradorligi va sifati uchun 40 foizgacha miqdorda belgilanadi.
Nizomning 21 – bandiga ko‘ra umumta’lim muassasalari pedagog xodimlarining bazaviy tarif stavkalariga Jamg‘arma hisobidan har oylik ustamalar yangi o‘quv yili uchun o‘tgan o‘quv yili yakunlari bo‘yicha belgilanadi.
Shunga ko‘ra sizlardagi holatda jamg‘armada pul yetmayapti deb, tayinlangan ustamani kamaytirish yoki bekor qilish noto‘g‘ri.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati