Maktab tugatiladi deb, dekret berilmasligi to‘g‘rimi?
@Yurist_Xizmati 5516-savol:
Assalomu alaykum qizim barkamol avlod bolalar maktabi to‘g‘arak raxbar 2020yilda ishga kirgan 2024yil dekretga chiqqan xozir bola parvarishi ta'tilida o‘zi 5oylik xomilador barkamol avlod bolalar maktabi kelajak markaziga o‘zgartirildi qizim 2oydan so‘ng dekretga chiqishi kerak lekin dekret berilmaydi barkamol avlod bolalar maktabi tugatildi deyilyapti nima qilishimiz kerak
YURIST JAVOBI:
❗️Bu tugatilish emas, qayta tashkil etish sanaladi. Shu sababli, dekretni dekretga ulash mumkin.
1️⃣Birinchidan, Mehnat kodeksining 405-moddasiga ko‘ra bolani parvarishlash ta’tillari davrida xodimning ish joyi (lavozimi) saqlanadi. Shunga ko‘ra sizning ish joyingiz saqlanadi.
Bunda Vazirlar Mahkamasining 2025-yil 17-dekabrdagi 796-son qaroriga 4-ilovada tasdiqlangan Davlat ijtimoiy sug‘urtasi doirasida vaqtincha mehnatga layoqatsizlik hamda homiladorlik va tug‘ish nafaqalarini tayinlash hamda to‘lash tartibi to‘g‘risidagi Nizom 28-bandiga ko‘ra Sug‘urtalangan shaxs homiladorlik va tug‘ish ta’tili yoki bola parvarishi ta’tilidan qaytganidan so‘ng yoxud bola parvarishi ta’tilida bo‘lgan davrda, homiladorlik va tug‘ish bo‘yicha takroriy nafaqa tayinlash zaruriyati vujudga kelganda, uning o‘rtacha ish haqi miqdorini aniqlash uchun takroriy nafaqa tayinlanadigan oygacha bo‘lgan oylik ish haqi hisoblangan oxirgi o‘n ikki oy inobatga olinadi.
✅Demak, siz dekretdan dekretga chiqishingiz mumkin.
Bunda Sug‘urtalangan shaxsga takroriy nafaqa tayinlash uchun uning o‘rtacha ish haqi miqdori ushbu bandning birinchi xatboshisiga muvofiq inobatga olinadigan o‘n ikki oylik jami ish haqi miqdorini o‘n ikkiga bo‘lish yo‘li bilan hisoblanadi. Bunda sug‘urtalangan shaxs homiladorlik va tug‘ish yoki bola parvarishlash ta’tilidan qaytgandan so‘ng:
• ish haqi hisoblangan yoki ixtiyoriy sug‘urta badali to‘langan oylar soni 3 oydan kam bo‘lsa, ushbu bandga muvofiq aniqlangan o‘rtacha ish haqi miqdoriga nisbatan 0,5 koyeffitsiyent;
• ish haqi hisoblangan yoki ixtiyoriy sug‘urta badali to‘langan oylar soni 3 oydan 6 oygacha bo‘lsa, ushbu bandga muvofiq aniqlangan o‘rtacha ish haqi miqdoriga nisbatan 0,75 koyeffitsiyent qo‘llaniladi.
Bunda sug‘urtalangan shaxsga nafaqa tayinlash uchun hisobga olinadigan o‘rtacha oylik ish haqi miqdori minimal iste’mol xarajatlari miqdoridan kam bo‘lganda, mazkur shaxsning o‘rtacha oylik ish haqi miqdori minimal iste’mol xarajatlari miqdoriga tenglashtiriladi.
✅Demak, sizga ham yuqoridagi tartibda dekret puli beriladi.
✉️ Yuristga savol yuborish
Yurist bilan qo‘ng‘iroq orqali bog‘lanish
Rasmiy kanalimiz:
@Yurist_Xizmati