Maktab qizil ro‘yxatga tushib qolganda, maktabdagi o‘qituvchilar o‘rniga yangi o‘qituvchilar olinishi to‘g‘rimi?
@Yurist_Xizmati 4608-savol:
Bizni maktab bu yil kizil maktablar ro‘yxatiga tushib koldi. Shu sababdan menga maktab direktorimiz 5 soat dars bilan koldirib o‘rnimga?boshka matematika okituvchisi olmokchi, Vakantda ko‘rsatilmasa asosiy oqituvchisi bor bolsa ham yangi oqituvchii olishga haqlimi? Mening qanday huquqim bor ish joyimni saqlab kolishga?
YURIST JAVOBI:
Vazirlar Mahkamasining 2021 yil 15 oktyabrdagi 646-son qaroriga 1-ilovada tasdiqlangan Ta’lim darajasi yuqori bo‘lmagan maktablarda ta’lim berish uchun boshqa hududlardan o‘qituvchi-pedagoglarni jalb etish tartibi to‘g‘risidagi Nizomga muvofiq ta’lim darajasi yuqori bo‘lmagan maktabga boshqa hududdan oliy yoki 1-toifali o‘qituvchilar jalb etilishi mumkin.
Bunda nizom 20-bandiga ko‘ra boshqa hududdan kelgan o‘qituvchi-pedagoglarga tarifikatsiya ro‘yxatini shakllantirish mezonlaridan kelib chiqqan holda, kamida 1 stavka miqdorida dars soati va o‘quv yuklamalari ajratiladi.
O‘quv rejasida umumta’lim fani bo‘yicha ajratilgan soatlar 1 stavkadan kam bo‘lgan taqdirda, mazkur fanga ajratilgan jami o‘quv soatlari va o‘quv yuklamalari beriladi.
❗️Mana shu qoidaga ko‘ra direktor boshqa hududdan oliy yoki 1-toifali o‘qituvchini jalb qiladigan bo‘lsa, unda mazkur o‘qituvchini dars bilan ta’minlash uchun darslar dastlab shu o‘qituvchiga beriladi. Shundan so‘nggina maktabdagi boshqa o‘qituvchilar dars bilan ta’minlanadi.