Homilador chet tili o‘qituvchisi sertifikat olmasa, ishdan bo‘shatiladimi?
@Yurist_Xizmati 4547-savol:
Assalomu aleykum. Mani singlim maktabda chet tili ukituvchisi bulib ishlaydi. Xozirda xomilador, oktyabr oyida dekretga chikishi kerak. Ishxonasidagi zavuch va zamdirektor singlimga agar u B2 sertifikatini yangi 2024-2025 ukuv yili boshlanguncha olmasa, maktabda ishda kolmasligini va bushatilishini aytishibdi. Singlimning chet tilini bilish sertifikatini muddati tugagan edi. Sertifikatlar tugrisidagi yangi karor xomilador dekretga chikadigan ayollarga kanchalik taalukli? Maktab ma’muriyati xaklimi ikki oydan sung dekretga chikadigan ayolni ishdan bushatishga? Javob uchun raxmat.
YURIST JAVOBI:
Vazirlar Mahkamasining 2021 yil 19 maydagi 312-son qarori 9-bandi 5-xatboshisiga qarasak 2024/2025 o‘quv yiliga qadar umumiy o‘rta, o‘rta maxsus va professional ta’lim muassasalarida faoliyat yuritayotgan barcha xorijiy tillar o‘qituvchilari kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi lozim.
❗️Demak, kelasi o‘quv yiliga qadar maktablarning chet tili o‘qituvchilari o‘z fanlari bo‘yicha kamida B2 darajadagi milliy yoki unga tenglashtirilgan mos darajadagi xalqaro sertifikat olishlari lozim.
☝️Shunga ko‘ra agar chet tili o‘qituvchilari 2024/2025 o‘quv yili boshlangunicha chet tili sertifikatini olmasa, ular bilan tuzilgan mehnat shartnomasi bekor qilinishi mumkin.
Bunda ish beruvchi ular bilan tuzilgan mehnat shartnomasini Mehnat kodeksining 161-moddasi ikkinchi qismi bilan (xodimning malakasi yetarli bo‘lmaganligi sababli egallab turgan lavozimiga yoki bajarayotgan ishiga muvofiq emasligi) bekor qilishi mumkin bo‘ladi.
✅ Lekin bu vaziyatda sizni ishdan bo‘shata olishmaydi. Mehnat kodeksining 163-moddasiga ko‘ra homilador ayollar (ushbu Kodeks 408-moddasi) va uch yoshgacha bolasi bo‘lgan xodimlar (ushbu Kodeks 409-moddasi) uchun kafolatlar berishni nazarda tutadigan talablarga rioya qilmasdan ish beruvchining tashabbusiga ko‘ra bekor qilish taqiqlanadi.
❗️Mana shu qoidaga ko‘ra homilador bo‘lganingiz sababli, siz bilan tuzilgan mehnat shartnomasini ish beruvchi o‘z tashabbusi bilan bekor qila olmaydi. Agar siz o‘zingiz ariza yozmasangiz, boshqa usul bilan sizni ishdan bo‘shatish mumkin bo‘lmaydi.
Yuristga savol yuborish
☎️ Qo‘ng‘iroq orqali yurist bilan hoziroq onlayn bog‘lanish
Barcha turdagi hujjatlarga buyurtma berish
Kanalimizga ulaning
@Yurist_Xizmati