Geografiya fani o‘qituvchisi iqtisodiyot fanidan dars bersa bo‘ladimi?
@Yurist_Xizmati 4921-savol:
Assalomu alekum men geografiya o‘qtuvchisiman 3oydan buyon Tadbirkorlik fanini ham otaman lekin ish haqi tolanmadi maktab mamuriyati tegishli joyga hat chiqarganda ular ruhsat. bermagan. Men ish haqimni qanday olsam boladi
YURIST JAVOBI:
Maktabgacha va maktab ta’limi vazirining 16.08.2023 yildagi 247- sonli buyrug‘iga ko‘ra maktabga pedagog xodimlarni ishga qabul qilishda quyidagi mezonlarga rioya qilish lozim:
Boshlang‘ich sinf o‘qituvchisi lavozimiga - boshlang‘ich ta’lim ixtisosligi bo‘yicha kamida o‘rta maxsus pedagogik ma’lumot yoki kamida bakalavr darajasidagi oliy ma’lumot va boshlang‘ich ta’lim ixtisosligi bo‘yicha dars berish huquqi bilan kasbiy qayta tayyorlov kursini tugatgan mutaxassislar;
Fan o‘qituvchisi lavozimiga - fan yo‘nalishiga to‘g‘ri keluvchi kamida bakalavr darajasidagi oliy pedagogik ma’lumot yoki kamida bakalavr darajasidagi oliy ma’lumot va fan yo‘nalishiga to‘g‘ri keluvchi pedagogik faoliyat yuritish huquqi bilan qayta tayyorlov kursini tugatgan mutaxassislar.
☝️Mana shu qoidaga ko‘ra fan o‘qituvchi shu fan bo‘yicha tugallangan oliy pedagogik ma’lumot yoki oliy ma’lumot + fan bo‘yicha qayta tayyorlovdan o‘tgan bo‘lishi kerak.
❌Aynan shu qoidaga ko‘ra geografiya fani o‘qituvchisi qayta tayyorlovdan o‘tmasdan turib, iqtisodiyot fanidan dars bera olmaydi.
telegram kanal - yurist xizmati