Ijtimoy tarmoqlarda tarqalgan chet tili buyicha B1 sertifikatga ega bo‘lgan abituriyentlarga test sinovlarida maksimal ball berilishi haqidagi xabarlar rostmi?
@Yurist_Xizmati 4585-savol:
Assalauma aleykum. Ijtimoy tarmaklarda chet tili buyicha V1 darajadagi sertifikatga ega bulgan abituriyentlar chet tilidan test sinovlarida maksimal ball beriladi va chet tili buyicha imtixon tapshirmaydi degan xabarlar tugrimi. 393 sonli karar. iltimas aniklik kiritish uchun surayapman. Bu karar Uzb. Res. Jamoat xavfsizligi Universitetiga xam utadimi.
YURIST JAVOBI:
Chet tillarini bilish sertifikatni amal qilishi faqatgina magistratura va doktaranturaning ayrim yo‘nalishlari uchun.
Prezidentning Farmoniga asosan magistratura mutaxassisliklari va oliy ta’limdan keyingi ta’lim ixtisosliklariga qabul qilishda xorijiy tilni bilish darajasini belgilovchi milliy yoki xalqaro sertifikatlar quyidagi darajalarda talab etiladi:
➖ xorijiy tillar yo‘nalishlari bo‘yicha – kamida S1 darajasida;
➖ gumanitar, biologik va turdosh fanlar, matematika va statistika, biznes va boshqaruv, huquq, xizmat ko‘rsatish, ijtimoiy va xulq-atvorga mansub fanlar, jurnalistika va axborot, axborot-kommunikatsiya texnologiyalari ta’lim sohalari bo‘yicha – kamida B2 darajasida;
➖ boshqa ta’lim sohalari hamda madaniyat va sport mutaxassisliklari (ixtisosliklari) bo‘yicha – kamida B1 darajasida.
O‘zbekiston Respublikasi Oliy ta’lim, fan va innovatsiyalar vazirligi, O‘zbekiston Respublikasi Maktabgacha va maktab ta’limi vazirligining 29.05.2024 yilda ro‘yxatdan o‘tgan qarori (ro‘yxat raqami 3515)ga hamda Vazirlar Mahkamasining 20.06.2017 yildagi 393-son qarori muvofiq, bakalavriat ta’lim yo‘nalishi uchun chet tilini bilish darajasi kamida B2 darajada bo‘lishi kerak.
➡️ Endi esa savolni ikkinchi qismiga keladigan bo‘lsak. Yuqoridagi 393-sonli qaror oliy harbiy hamda harbiylashtirilgan ta’lim muassasalariga va O‘zbekistonda faoliyat olib borayotgan xorijiy oliy ta’lim muassasalari hamda ularning filiallariga tatbiq etilmaydi.
Vazirlar Mahkamasining 06.08.2021 yildagi 500-son qaroriga muvofiq jamoat xavfsizligi universitetiga nomzodlarni qabul qilish tartibi belgilangan. Yuqoridagi qarorning 21-bandiga binoan IELTS bo‘yicha 5.5 ball va undan yuqori sertifikat qabul qilinishi belgilangan.
❗️Xulosa qilib aytadigan bo‘lsak, oliy ta’lim bakalavriatiga o‘qishga kirishda sertifikat kamida B2 bo‘lishi kerak.