ACTRUM va IC3 sertifikatga ega pedagog xodimlar majburiy attestatsiyadan ozod etiladimi?
@Yurist_Xizmati 5554-savol:
Assalomu aleykum men informatika fani ukituvchisiman.Menda 2025 yil sentyabr oyida olgan astrum va 2026 yil yanvar oyida IC3 sertifikatlarim bor.Meni majburiy attestatsiya muddatim 2026 yil baxorga tugri kelayapti.Yukorida olgan sertifikatlarimni attestatsiyada uzimni fanimda oladigan balimga imtiyozli foydasi bormi?
YURIST JAVOBI:
“Vazirlar Mahkamasining 2021 yil 17 sentyabrdagi 572-son qaroriga 1-ilovada tasdiqlangan Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida”gi Nizom 36-bandiga ko‘ra umumiy o‘rta, o‘rta maxsus va professional ta’lim tashkilotlarining kamida:
▪️S1 darajadagi milliy yoki unga mos darajadagi xalqaro tan olingan sertifikatga ega chet (ingliz, fransuz, nemis, ispan, italyan, arab, xitoy, yapon, koreys, turk, fors, pushtu, dari, urdu, hind) tili;
▪️yoki Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan beriladigan kamida B+ (avvalgi tizimda 80 ball yoki undan yuqori) darajadagi umumta’lim fanini bilish darajasi to‘g‘risida sertifikatga ega fan o‘qituvchilariga (boshlang‘ich ta’lim o‘qituvchilari bundan mustasno) sertifikatning amal qilish davrida navbatdagi majburiy attestatsiyada mutaxassislik fani va kasb standarti bo‘yicha bilim darajasini aniqlash hamda o‘quv fani bo‘yicha malaka sinovidan maksimal ball beriladi hamda ular ushbu o‘quv fani bo‘yicha malaka sinovidan ozod etiladi.
❗️Bunda sertifikatga ega pedagoglar ikkinchi bosqich sinovida ishtirok etishlari majburiy hisoblanadi.
☝️E’tibor bergan bo‘lsangiz, ushbu normada 2ta alohida ya’ni chet tili o‘qituvchilari va fan o‘qituvchilari qoida ajratilmoqda. Shunindek, bu qoidada fan o‘qituvchilari uchun imtiyoz faqat Oliy ta’lim, fan va innovatsiyalar vazirligi huzuridagi Bilim va malakalarni baholash agentligi tomonidan beriladigan kamida B+ sertifikatiga berilishi nazarda tutilgan.
❌Siz aytgan sertifikat milliy emas, xalqaro bo‘lgani uchun sizga bu imtiyoz qo‘llanilmaydi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati