Xalqaro S1 sertifikatga ega 3 kurs talaba maktabdan qancha dars soati ololadi?
@Yurist_Xizmati 4595-savol:
Assalomu alaykum.Ayolim shu yil 2- kurs sirtqi talim ingliz tili yönalishi (xususiy oliygoh)ni tamomladi.Sentabr oyidan 3-kurs talabasi.C1 xalqaro sertifikatga ega. Maktabda ishlay oladimi va maktabda ishlay olsa, necha soatgacha dars ololadi va unga dars qanday tartibda taqsimlanadi va C1 sertifikati uchun qushimcha 50 foiz ustama tulanadimi ?Javob uchun oldindan kattakon rahmat.
YURIST JAVOBI:
“Oliy ta’lim to‘g‘risida”gi Nizom (ro‘yxat raqami №1222, 22.02.2003) 50-bandiga muvofiq kunduzgi ta’lim shaklida tahsil olayotgan talabalar o‘qishdan bo‘sh vaqtlarida oliy o‘quv yurti va boshqa tashkilotlarda mehnat shartnomasi tuzgan holda ishlashlari mumkinligi belgilangan.
Vazirlar Mahkamasining 275-sonli qarori bilan tasdiqlangan “Xalq ta’limi xodimlari mehnatiga haq to‘lash to‘g‘risida”gi nizomning 8-bandiga ko‘ra Oliy ta’lim muassasasining kunduzgi, kechki, sirtqi ta’lim shakllarining pedagogika yo‘nalishlarida o‘qiyotgan shaxslar 3-kursdan boshlab o‘qishiga xalaqit bermagan holda pedagoglik ishini amalga oshirish uchun umumta’lim muassasalarida asosiy ish joyi sifatida ishga qabul qilinishi mumkin va ularga o‘rta maxsus, kasbiy ma’lumotga ega bo‘lgan tegishli lavozimdagi xodimning bazaviy tarif stavkasi singari bazaviy tarif stavkasi belgilanadi.
“Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizomning (ro‘yxat raqami № 3271) 15-bandida oliy ta’lim muassasalarining pedagogik yo‘nalish bo‘yicha bitiruvchi bosqich talabalariga tarifikatsiya asosida dars soatlarini berish mumkinligi qayd etilgan.
✅ Shunday ekan turmush o‘rtog‘ingiz darsdan bo‘sh vaqtida ishlashga haqli.
❗️Bunda u kunduzgi ta’lim shaklida o‘qisa, ko‘pi bilan 0.75 stavka ishlay oladi.
➡️ Sertifikat masalasiga kelsak, O‘zbekiston Respublikasi Prezidentining 11.05.2022 yildagi PF-134-son Farmoni 9-bandiga
ko‘ra xalqaro tan olingan sertifikatga ega bo‘lgan pedagog kadrlarga — ularning tarif stavkasiga nisbatan 50 va 20 foiz miqdorida har oylik qo‘shimcha ustama to‘lanishi belgilangan.
O‘zbekiston Respublikasi Oliy ta’lim, fan va innovatsiyalar vazirligining 2024 yil 4 apreldagi 4-q/q-son va Maktabgacha va maktab ta’limi vazirligining 2024 yil 2 apreldagi 3-mh-son qarori (ro‘yxat raqami 3515)ga ilovada Xorijiy tillar va umumta’lim fanlarini bilish darajasini belgilovchi milliy va xalqaro tan olingan sertifikatlar Ro‘yxati tasdiqlangan.
✅ Agar ayolingiz olgan sertifikat yuqoridagi ro‘yxatda bo‘lsa, unga ustama to‘lanadi.