Question

3 tomonlama shartnomaga maktabdan imzo qo‘ydirgandim. Endi oliygohni bitirib kelganimda dars bera olmaymiz deyishlari to‘g‘rimi?

@Yurist_xizmati 4640-savol:

Assalo‌mu alaykum,men 2023 yili U‌zbekiston Davlat jismoniy tarbiya universitettni tugatdim,praktika davrida maktab direktori ishga olaman deb shartnomaga imzo kuyib berdi,sung ukishni tugatib kelsam soat bera olmaymiz  deyishti   maktabda 4 ta jismoniy tarbiya ukituvchimiz 2 tasini kategoryasi bor  men bilan yana bitta  ukituvchini kategoryasi yuk soat  bermaymiz deyishdi va laborant bulib ishlab tur deb 0.5 stavka laborantchilikni berdi bu yil soat tak,simlash kanday buladi  Maslaxat bering oldindan  raxmat .

YURIST JAVOBI:

❗️Agar sizni maktabga o‘qituvchi lavozimiga ishga olingan va mehnat shartnomasida aynan o‘qituvchilik lavozimi ko‘rsatilgan bo‘lsa, unda sizga dars berish shart.

Bu holatda “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizomga (ro‘yxat raqami 3271) 15 va 16-bandlari dars taqsimotiga nisbatan qo‘llaniladi.

Bunda nizomning 15-bandidagi ko‘rsatkichlar inobatga olinadi. Mazkur ko‘satkichlarga muvofiq dars soatlarini taqsimlashda o‘qituvchining erishgan yutuqlari (bunda o‘quvchilarining olimpiadalarda olgan o‘rinlari, chet tili bo‘yicha olingan sertifikatlar, ko‘rik tanlovlarda ishtiroki va boshqalar) hamda malaka toifasi, ma’lumoti kabilar inobatga olinishi lozim.

Shuningdek, yuqoridagi nizomning 16-bandida ko‘rsatkichlar ketma-ketlik asosida ustunlikka ega bo‘lgan o‘qituvchilarga dars soatlarining maksimal miqdorlari belgilanishi tavsiya etilishi aytilmoqda. Bu ko‘rsatkichlari yuqori o‘qituvchiga maksimal dars berish shart degani emas. Bundan tashqari ushbu bandga ko‘ra aynan bir xil ko‘rsatkichlar mavjud bo‘lgan bir nechta o‘qituvchilar o‘rtasida dars soatlari teng taqsimlanadi.

‍♂️ Xulosa qiladigan bo‘lsak, maktabda darslar taqsimotida 15-banddagi ustovor ko‘rsatkichlar inobatga olinadi. Dars soatlari maktabda shu fan bo‘yicha mavjud dars soatlariga, shu fandan dars beruvchi o‘qituvchilar soniga, ularning ko‘rsatkichlariga qarash lozim.

❗️Shunday ekan, siz ham o‘qituvchi lavozimiga ishga qabul qilingan bo‘lsangiz, unda sizga ham dars berish talab etiladi.