B2 sertifikati bo‘lmasa, chet tili o‘qituvchisi bo‘lib ishga kira olmaydimi?
@Yurist_Xizmati 4331-savol:
Assalomu alaykum. Meni qizim 4-kurs talabasi. Ingliz tili yo‘nalishida o‘qiydi. Sentyabr oyida maktabga ishga kiritsak adliya rad qildi dedi, maktab direktori sertifikati bo‘lmaganligi uchun. Noyabr, dekabr oyida o‘qib topshirdi sertifikatga. Ikkala oyda xam B 1 sertifikat oldi. Shu sertifikat bilan ishga kirishi mumkinmi.Shu savolga to‘liqroq javob bersangiz iltimos. Boshqa maktablarda kursdosh dugonalari ishlayapti lekin bizda olmayapti.Javobingiz uchun oldindan raxmat.
YURIST JAVOBI:
Vazirlar Mahkamasining 2021 yil 19 maydagi 312-son qaroriga asosan, 2022/2023 o‘quv yilidan boshlab davlat ta’lim muassasalarining xorijiy tillar o‘qituvchisi lavozimiga ishga qabul qilinayotgan nomzodlar kamida B2 darajadagi milliy yoki unga tenglashtirilgan mos darajadagi xalqaro sertifikatga ega bo‘lishi lozimligi belgilangan. Lekin keyinroq, bu talab 2023/2024 o‘quv yilidan kuchga kirishi belgilangan.
☝️E’tibor bergan bo‘lsangiz, qoidada “ishga qabul qilinayotgan nomzodlar” jumlasi belgilangan. Shunga ko‘ra bu qoida endi ishga kirayotganlargagina qo‘llaniladi.
Mana shu qoidaga ko‘ra endilikda chet tili o‘qituvchilari albatta sertifikatga ega bo‘lishi shart. Agar bu sertifikat bo‘lmasa, xodimni ishga qabul qilib bo‘lmaydi.
❗️Shunga ko‘ra sizning qizingiz ham B2 sertifikat bo‘lmasa, ishga kira olmaydi.