Stomotologiya 5 kurs talabasi 0.25 stavka ishlashiga Adliya ruxsat bermasligi to‘g‘rimi?
@Yurist_Xizmati 5055-savol:
Assalomu alaykum uglim Andijon tibbiyot instituti stomotologiya fakultetida 5 kurs 0.25 stavkada ishga kirmokchi edi lekin adliya buyrugini tasdiklamadi. Diplom bulmasa kabul kilmasligini sababini suramokchi edim
YURIST JAVOBI:
Vazirlar Mahkamasining 03.10.2022 yildagi 561-son qaroriga ko‘ra 2022/2023 o‘quv yilida:
barcha tibbiyot oliy ta’lim muassasalarining “Davolash ishi”, “Pediatriya ishi” va “Tibbiy-profilaktika ishi” bakalavriat ta’lim yo‘nalishlarining bitiruvchi kurs talabalariga mehnat shartnomasi asosida to‘liq stavkagacha birlamchi tibbiy-sanitariya yordami muassasalarida oilaviy shifokor,
tez tibbiy yordam muassasalarida shifokor hamda Sanitariya-epidemiologik osoyishtalik va jamoat salomatligi xizmatining tuman (shahar) bo‘limlarida mavjud shifokor vakant o‘rinlarida mehnat shartnomasi asosida to‘liq stavkagacha faoliyat ko‘rsatishlariga ruxsat berilgan.
✅Bunda rejadagi ma’ruza va o‘quv mashg‘ulotlarining nazariy qismini masofaviy shaklda olib borilishini joriy qilish belgilangan.
❗️Mazkur qaror hozir ham o‘z kuchida, shunga ko‘ra bitiruvchi kurs talabalarining dars mashg‘ulotlari masofaviy shaklda tashkil etilishi kerak.
Shunga ko‘ra siz «Davolash ishi», «Pediatriya ishi» va «Tibbiy-profilaktika ishi» bakalavriat ta’lim yo‘nalishda o‘qimaganingiz uchun o‘qishni tamomlamasdan ishlay olmaysiz.
telegram kanal-yurist xizmati