Bog‘chalarda 0.75 stavka uchun ish vaqti qancha?
@Yurist_Xizmati 5097-savol:
Assalomu alaykum turmush o‘rtog‘im MTT da 0.75 stavka ingliz tili o‘qituvchisi bo‘lib ishlaydi savol 0.75 stavka uchun ish vakti kancha. Kolaversa ishga kelib uz ishidan tashkari yertalab bolalarni kutib olish, kechki payt kuzatib kuyish, kaysidir guruxda tarbiyachi yoki enaga yukligida ularni vazifasini bajarish yoki kun ora MTT xududini tozalash ekin maydoniga nimadir ekish yoki tozalash kabi ishlar yuklash kaysidir meyoriy xujjatlarda keltirilmaganmi.1 mln 300 minga (oylik ishxonada yigiladigan xarajatlar xam bor) shuncha vazifani bajarib soglikni yukotishga arziydimi yoki yuk shuni aniklashtirib olishimiz kerak javob uchun oldindan raxmat
YURIST JAVOBI:
Vazirlar Mahkamasining 2018-yil 5-yanvardagi 10-son qaroriga 1-ilovada tasdiqlangan Nizom 12-bandiga ko‘ra davlat maktabgacha ta’lim tashkilotida pedagog xodimlar uchun haftalik ish yuklamasining quyidagi miqdorlari belgilanadi:
⭐ til bo‘yicha o‘qituvchi — 18 soat;
⭐ o‘qituvchi-logoped, o‘qituvchi-defektolog — 24 soat;
⭐ ko‘p tarmoqli ixtisoslashtirilgan maktabgacha ta’lim tashkilotlarining tarbiyachisi, tarbiyachi-metodisti — 25 soat;
⭐ tarbiyachi, tarbiyachi-metodist — 36 soat;
⭐ ko‘p tarmoqli ixtisoslashtirilgan maktabgacha ta’lim tashkilotlarining yordamchi tarbiyachisi — 36 soat;
⭐ jismoniy tarbiya yo‘riqchisi — 30 soat;
⭐ musiqa xodimi, xoreograf — 24 soat.
Yuqoridagi qoidaga ko‘ra til o‘qituvchilarining DMTTdagi haftalik ish yuklamasi 18 soatni tashkil etadi. Bunda ushbu meyor to‘liq stavkda ishlovchi o‘qituvchilar uchun belgilanadi. Savolda 0.75 stavka ishlashingizni yozgansiz.
✅ Shunday ekan siz haftasiga 13.5 soat atrofida ishlashingiz kerak.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati