Mahalla raisligiga nomzod oliy ma’lumotli bo‘lishi kerakmi?
@Yurist_Xizmati 5057-savol:
Assalomu aleykum mahalla. Raisligiga Oliy ma’lumot bo‘lishi shartmi nomzodlikga. May oyidagi saylovga
YURIST JAVOBI:
Fuqarolar yig‘ini raisi saylovi to‘g‘risidagi qonun 17-moddasiga ko‘ra fuqarolar yig‘ini raisi lavozimiga nomzodlar:
O‘zbekiston Respublikasi fuqarolari bo‘lishi;
qoida tariqasida, oliy ma’lumotga ega bo‘lishi;
bevosita saylovga qadar kamida besh yil tegishli hududda doimiy yashayotgan bo‘lishi;
tashkilotchilik qobiliyatiga, davlat organlarida yoki nodavlat notijorat tashkilotlarida yoxud tadbirkorlik va boshqa xo‘jalik faoliyati sohasida ish tajribasiga, shuningdek hayotiy tajribaga va aholi o‘rtasida obro‘-e’tiborga ega bo‘lishi kerak.
☝️E’tibor bergan bo‘lsangiz, Qonunning 17-moddasida fuqarolar yig‘ini raisi lavozimiga nomzodlarga qo‘yiladigan talablar sanab o‘tilgan. Shulardan biri — nomzod “qoida tariqasida, oliy ma’lumotga ega bo‘lishi” lozimligi haqidagi mezondir.
❗️Normativ matnda “qoida tariqasida” (ya’ni, odatda, odilona hollarda) degan iboraning qo‘llanilishi ushbu talabning imperativ (ya’ni, majburiy) emas, balki dispozitiv (ya’ni, istisno va holatga qarab qo‘llanilishi mumkin bo‘lgan) xarakterga ega ekanligini bildiradi.
Shunga ko‘ra:
✅ Nomzod oliy ma’lumotli bo‘lishi maqsadga muvofiq, ammo majburiy emas;
✅ Agarda nomzod oliy ma’lumotga ega bo‘lmasa-da, boshqa talablar — ya’ni, kamida 5 yil hududda yashaganlik, tashkilotchilik qobiliyati, hayotiy va ish tajribasi, aholi o‘rtasida obro‘-e’tiborga ega bo‘lish kabi mezonlarga yetarlicha mos kelsa, u holda nomzodlikka qo‘yilishi mumkin.
✅Bu yondashuv qonun ijrosida moslashuvchanlik va hayotiylik prinsiplarini ta’minlaydi, ya’ni har bir nomzod individual jihatdan ko‘rib chiqilishi, uning real ijtimoiy obro‘si va salohiyati e’tiborga olinishi kerakligini anglatadi.
telegram kanal -yurist xizmati