Yashab turgan uyni buvim nomidan o‘z nomimga o‘tkazish tartibi qanday?
@Yurist_Xizmati 5246-savol:
Yashab turgan uyni buvim nomidan o‘z nomimga o‘tkazish tartibi qanday bo‘ladi?
YURIST JAVOBI:
♂️ Bu holatda sizga 2 usulni tavsiya qilamiz.
1️⃣Birinchisi hadya. Hozir uy buvingizning nomida bo‘lsa, unda bu uyni sizga hadya qilish mumkin.
Fuqarolik kodeksining 502-moddasiga muvofiq onangiz hadya qiluvchi sifatida o‘ziga tegishli bo‘lgan uyni sizga – hadya oluvchiga hadya qilishi mumkin. Bunda ushbu shartnoma Fuqarolik kodeksining 504-moddasiga asosan ushbu shartnoma yozma shaklda tuzilishi talab etiladi.
Shuningdek, bu shartnoma Notariuslar tomonidan notarial harakatlarni amalga oshirish tartibi to‘g‘risidagi yo‘riqnoma (ro‘yxat raqami 3113)ga muvofiq notarial tasdiqlanishi hamda davlat ro‘yxatidan o‘tkazilishi talab etiladi. Buvingiz uyni yuqoridagi tartibda hayda qilsa, uy-joy uning hayotlik davrida sizga o‘tadi.
2️⃣Ikkinchi usul vasiyatnoma. Fuqarolik kodeksining 1120-moddasiga asosan fuqaroning o‘ziga tegishli mol-mulkni yoki bu mol-mulkka nisbatan huquqini vafot etgan taqdirda tasarruf etish xususidagi xohish-irodasi vasiyat deb e’tirof qilinadi.
Bunda vasiyat qiluvchi qonun bo‘yicha merosxo‘rlardan bittasini, bir nechasini yoki hammasini izoh bermagan holda merosdan mahrum qilishga haqli.
✅ Mana shu qoidaga ko‘ra buvingiz vasiyatnoma yozishi va bunda o‘zingizga tegishli bo‘lgan barcha mol-mulklarni sizga vasiyat qilsa bo‘ladi.
Fuqarolik kodeksi 1124-moddasiga ko‘ra vasiyatnoma vasiyat qiluvchi tomonidan yozma shaklda bayon etilishi va notarial tasdiqlanishi shart. Agar vasiyatnoma bu talabga javob bermasa, haqiqiy hisoblanmaydi. Demak, vasiyatnoma yozishi mumkin.
Vasiyatnomani yozish jarayonida buvingiz o‘zining va sizning pasportingiz hamda uyning mulk huquqini tasdiqlovchi hujjatlarni notariusga olib borishi kerak. Boshqa hujjatlar talab qilinmaydi.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati