SOLIQ VAFOT ETGAN OTAMNING NOMIGA KЕLMOQDA QANDAY QILIB O‘ZIMNING NOMIMGA O‘TKAZSAM BO‘LADI?
Otam vafot etgan Otamning nomidagi Uy-joy mol-mulk va yer soligi buyicha karzdorlik MIBdan kelyapti obyektni tulovlarini men tulab yuraman. Uzim Toshkentda turaman shu obyektni mening nomimga biriktirsa bo‘ladimi?
JAVOB
Soliq kodeksining 133-moddasi uchinchi qismiga muvofiq, ko‘chmas mulkka bo‘lgan huquqni davlat ro‘yxatidan o‘tkazishni amalga oshiruvchi organlar tegishli hududda joylashgan yer uchastkasi va boshqa ko‘chmas mol-mulk, ularning mulkdorlari (yegalari) to‘g‘risidagi axborotni davlat soliq organlariga real vaqt rejimida yelektron shaklda taqdim yetishi shart.
Shunga ko‘ra, marhumga tegishli ko‘chmas mulk obyektiga boshqa fuqaroga biriktirish bo‘yicha ko‘chmas mulkka bo‘lgan huquqni davlat ro‘yxatidan o‘tkazishni amalga oshiruvchi organlarga murojaat qilishingiz lozim. Marhumga tegishli bo‘lgan ko‘chmas mulk obyektiga nisbatan huquqlar qonunchilikka muvofiq notarial meros ishlari yakunlangandan keyin yoki sud qaroriga ko‘ra boshqa fuqaroga o‘tadi. Shu sababli fuqaroga avval ko‘chmas mulkka nisbatan meros ishi bilan shug‘ullanishingiz, undan keyin kadastr organiga murojaat qilishingiz lozim.