Uyni o‘z nomiga qaror yo‘qligi uchun o‘tkazib bo‘lmayapti. Qanday yo‘l tutish mumkin?
@Yurist_Xizmati 5402-savol:
Xop boshkacha tushuntiray opa yashab turgan uyini kadastirini uz nomiga utkazmokchi lekin karori yuk. Asli nusxasi bulmasa utkazib bulmas ekan Turmush urtogi ulib ketgan. Kadastrni xamma xujjatlari tugri deyishti fakat karorni asli nusxasi yuk deyishdi. Yagona darchaga xat yubordik topilmadi. Endi nima kilish kerak Kim yordam berish kerak bizga Kadastri bor uyni boshkattan kadastr kilinadimi
YURIST JAVOBI:
Ko‘chmas mulkka bo‘lgan huquqlarni davlat ro‘yxatidan o‘tkazish to‘g‘risidagi qonun 11-moddasiga binoan binolarga, inshootlarga, shuningdek qurilishi tugallanmagan obektlarga bo‘lgan huquqlarni davlat ro‘yxatidan o‘tkazish ushbu ko‘chmas mulk joylashgan yer uchastkasiga bo‘lgan huquqlar davlat ro‘yxatidan o‘tkazilmaguniga qadar amalga oshirilmaydi.
Qarang! Qonunning 31-moddasiga asosan 2021-yilning 1-avgustidan e’tiboran qabul qilingan yer uchastkasiga bo‘lgan huquqlarni belgilovchi hujjatlar quyidagilardan iborat:
- yer uchastkasiga bo‘lgan mulk huquqini davlat ro‘yxatidan o‘tkazish uchun — davlat mulkini boshqarish bo‘yicha vakolatli davlat organlari tomonidan beriladigan davlat orderi;
1998-yilning 1-iyulidan 2021-yilning 1-avgustiga qadar qabul qilingan yer uchastkasiga bo‘lgan huquqlarni belgilovchi hujjatlar quyidagilardan iborat:
- yer uchastkasiga meros qilib qoldiriladigan umrbod egalik qilish huquqini davlat ro‘yxatidan o‘tkazish uchun — mahalliy davlat hokimiyati organlarining yer uchastkasini berish haqida o‘z vakolatlari doirasida qabul qilingan qarorlari, notarial tasdiqlangan meros qilib olish huquqi to‘g‘risidagi guvohnoma, ushbu huquqning auksionda sotib olinganligiga asosan tuman (shahar) hokimi tomonidan berilgan davlat orderi asos bo‘ladi.
❗️Bu holatda uyni kadastr qildirish uchun unga bo‘lgan huquqni davlat ro‘yxatidan o‘tkazishingiz lozim. Bu vaziyatda sizlar fuqarolik sudiga egalik huquqini belgilash bo‘yicha da’vo arizasi bilan murojaat qilishingiz lozim.
Qarang! Fuqarolik kodeksi 187-moddasiga muvofiq mulkdor bo‘lmagan, lekin ko‘chmas mol-mulkka o‘n besh yil davomida yoki boshqa mol-mulkka besh yil davomida o‘ziniki kabi halol, oshkora va uzluksiz egalik qilgan shaxs bu mol-mulkka mulk huquqini oladi (egalik qilish huquqini vujudga keltiruvchi muddat).
Qoidaning mazmuniga muvofiq fuqaro o‘ziga tegishli bo‘lmagan mulkdan 15 yil davomida foydalansa, uni eskirishga emas, balki yaxshilanishiga erishsa, bu mulkdan foydalanishi haqida boshqalar (qo‘ni-qo‘shni, MFY va h.k.) xabardor bo‘lsa va eng asosiysi foydalanish muddati uzulishsiz bo‘lsa, (ya’ni 10 yil mulkdan foydalanib orada 1 yoki 2 yil foydalanmay keyin yana foydalangan bo‘lmasligi) shaxsda shu mulkka nisbatan mulk huquqini olish mumkin.
Mazkur kodeks 1995-yilda qabul qilingan va shu davrdan boshlab yuzaga keladigan ijtimoiy munosabatlarni tartibga solib keladi.
♂️ Shunday ekan sizdagi vaziyatda uyda (haqiqatda mulkdori bo‘lmagan) yashab, undan foydalanib kelayotgan fuqaroda uyga mulk huquqini olish mumkinligini ko‘rsatadi.
✅ Shunga ko‘ra sizlar ham fuqarolik sudiga yer uchatkasiga nisbatan huquqni belgilash haqida da’vo qilishingiz lozim. Sud qarori bilan egalik huquqingiz tasdiqlansa, siz uyni qayta kadastr qilishingiz mumkin.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati