Chet el fuqarosi O‘zbekistonda vaqtincha bo‘lishi uchun qanday yo‘l tutishi kerak?
@Yurist_Xizmati 4703-savol:
Assalomu aleykum meni bir tanishim Turkiyadan O‘zbekistonga kelib bir oy yashamoqchi buning uchun unga qanday hujjatlar kerak bo‘ladi va agar bir yil yashasachi u Turkiya fuqarosi bu yerga tamaddi xona uchun yaxshiroq yerni izlayotgandi
YURIST JAVOBI:
Vazirlar mahkamasining 2018-yil 22-oktyabrdagi 845-son qaroriga 3-ilovasiga muvofiq, chet el fuqarolari va fuqaroligi bo‘lmagan shaxslarning O‘zbekiston Respublikasida bo‘lishi qoidalari tasdiqlangan.
Unga ko‘ra, O‘zbekiston Respublikasining qonun hujjatlariga muvofiq chet el fuqarolari va fuqaroligi bo‘lmagan shaxslar O‘zbekiston Respublikasida doimiy yashashlari yoki vaqtincha bo‘lishlari mumkin.
Yuqoridagi normativga muvofiq, chet el fuqarolari va fuqaroligi bo‘lmagan shaxslarning bo‘lish muddati to‘liq 30 kundan oshmasa:
hududiy ichki ishlar organlarini Dastur yordamida yoki hududiy ichki ishlar organlariga yozma murojaat etish vositasida xabardor qilish yo‘li bilan;
agar chet el fuqarolari va fuqaroligi bo‘lmagan shaxslarning bo‘lish muddati 30 kundan ortiq bo‘lsa, hududiy ichki ishlar organlariga murojaat qilish yo‘li bilan amalga oshiriladi.
30 kungacha vaqtincha propiskadan o‘tkazish uchun taklif qilgan (qabul qiladigan) shaxslar Dasturda qayd etiladi va uning yordamida turistik yig‘imni (mehmonxona yig‘imini) to‘laydilar hamda hududiy ichki ishlar organlariga quyidagi hujjatlarni elektron shaklda yuboradilar:
belgilangan shakldagi ariza;
milliy pasportning yoki taklif qilinayotgan fuqaroligi bo‘lmagan shaxs uchun hujjatning ko‘chirma nusxasi;
uy-joy mulkdorining vaqtincha propiskadan o‘tkazishga yozma roziligining ko‘chirma nusxasi va uy-joyga huquqni belgilovchi hujjatlar.
Hududiy ichki ishlar organlariga yozma murojaat qilish yo‘li bilan 30 kungacha vaqtincha propiskadan o‘tkazish uchun taklif qilgan (qabul qiladigan) shaxslar yuqorida sanab o‘tilgan hujjatlarni hamda turistik yig‘im (mehmonxona yig‘imi) to‘langanligi haqidagi kvitansiyani taqdim etadilar.
30 kundan ortiq muddatga vaqtincha propiskadan o‘tkazish uchun taklif qilgan (qabul qiladigan) shaxslar, tashkilotlar o‘zlari turgan joydagi hududiy ichki ishlar organlariga quyidagi hujjatlarni taqdim etadilar:
belgilangan shakldagi ariza;
qabul qiladigan tashkilotning belgilangan shakldagi iltimosnomasi;
milliy pasport yoki fuqaroligi bo‘lmagan shaxs uchun hujjat;
uy-joy mulkdorining vaqtincha propiskadan o‘tkazishga yozma roziligi hamda uy-joyga huquqni belgilovchi hujjatlar;
davlat boji to‘langanligi to‘g‘risidagi kvitansiya.
Chet el fuqarolari va fuqaroligi bo‘lmagan shaxslarning vaqtincha propiska muddatini uzaytirish uchun taklif qilgan (qabul qiladigan) shaxslar, tashkilotlar vaqtincha propiska muddati tugashidan uch kun oldin hududiy ichki ishlar organlariga murojaat qilishlari kerak.
telegram kanal - yurist xizmati