Maktabda qorovul bo‘lib ishlayotgan xodim o‘t yoquvchilik vazifasini ham bajarishi kerakmi?
@Yurist_Xizmati 4815-savol:
Assalomu alaykum! Maktabda 1,5 karovul shtatida ishlayotgan xodim ut yokuvchilik vazifasini bajarishi kerakmi? Allergik kasalligi borligi sababli ut yokuvchilik vazifasini bajara olmasligini aytgan karovulni 1,0 shtat karovulligini olib boshka ishchi olib kuyishga maktab direktori xaklimi? Maktab kotyollari kumir yokilgisi bilan isitiladi.
YURIST JAVOBI:
“Qo‘riqlash faoliyati to‘g‘risida”gi qonunning 3-moddasiga binoan, idoraviy qorovullik — davlat va xo‘jalik boshqaruvi organlarining, mahalliy davlat hokimiyati organlarining hamda boshqa tashkilotlarning, tadbirkorlik subyektlarining o‘z obyektlarini qo‘riqlash uchun yuridik shaxs tashkil etmasdan tuziladigan tarkibiy bo‘linmasi tomonidan yoki zimmasiga tegishli vazifalarni bajarish yuklatilgan alohida xodimi tomonidan amalga oshiriladigan qo‘riqlash faoliyatining turi hisoblanadi.
Vazirlar Mahkamasining 2022 yil 11 noyabrdagi 630-son qaroriga muvofiq, Quyidagilar qo‘riqlash bo‘linmalarining vazifalari hisoblanadi:
jismoniy shaxslar hayotini va sog‘lig‘ini tajovuzlardan himoya qilish;
obyektlarni qo‘riqlash va tajovuzlardan himoya qilish;
qo‘riqlanadigan obyektlarda nazorat-o‘tkazish va obyektning ichki rejimlarini ta’minlash;
qo‘riqlanadigan obyektlar hududida jamoat tartibini ta’minlash, huquqbuzarliklarni profilaktika qilish va ularga chek qo‘yish;
qo‘riqlanadigan obyektlardagi mol-mulkni qo‘riqlash va kuzatib borish;
qo‘riqlanadigan obyektlarda tabiiy va texnogen xususiyatli favqulodda vaziyatlar oqibatlarini bartaraf qilishda ishtirok etish;
qo‘riqlashning ilg‘or muhandislik va texnik vositalari hamda usullarini joriy etish va ulardan foydalanish;
qo‘riqlash bo‘linmalari ishchi va xizmatchilarining jangovar hamda xizmat tayyorgarligini yuqori darajada ta’minlash va saqlash;
obyektlar va mol-mulkni qo‘poruvchilik-terrorchilik harakatlari sodir etilishidan, yoqish, o‘g‘irlash va boshqa jinoiy tajovuzlardan ishonchli qo‘riqlashni tashkil etish masalalari bo‘yicha huquqni muhofaza qilish organlari va boshqa davlat organlari, jamoatchilik vakillari bilan o‘zaro hamkorlikni ta’minlash.
❌ Shunday ekan sizning lavozim yo‘riqnomangizda ham o‘t yoqish vazifasi yuklatilishi mumkin emas.
❗️Ushbu holat yuzasidan tuman(shahar) adliya va bandlik organlariga murojaat qiling.
telegram kanal - yurist xizmati