Question

Men maktab direktoriman, ukalarimdan biri shu maktabda qorovul bo‘lib ishlasa bo‘ladimi?

@Yurist_Xizmati 5098-savol:

Assalauma aleykum hurmatli yurist.man maktab direktori bo‘lib ishlayman,ukalarimnan biri qoravul bo‘lib ishlachga bo‘ladimi.Raxmat.

YURIST JAVOBI:

Mehnat kodeksi 121-moddasida o‘zaro yaqin qarindosh yoki quda tomondan qarindosh bo‘lgan shaxslarning aynan bitta davlat tashkilotida birga xizmat qilishi, agar ularning birga xizmat qilishi ulardan birining ikkinchisiga bevosita bo‘ysunishiga yoki uning nazorati ostida bo‘lishiga bog‘liq bo‘lsa taqiqlanishi belgilangan.

✏️ Bunda ushbu toifadagi shaxslarga: ota-ona, aka-ukalar, opa-singillar, o‘g‘illar, qizlar, er-xotin, shuningdek er-xotinning ota-onasi, aka-ukalari, opa-singillari va farzandlari kirishi belgilangan.

Endi qarang! Vazirlar Mahkamasining 2024 yil 14 noyabrdagi 758-son qaroriga 3-ilovada tasdiqlangan Qarindoshlarning birga ishlashlarini cheklash to‘g‘risidagi qoidalardan istisnolarga yo‘l qo‘yilishi mumkin bo‘lgan davlat tashkilotlari xodimlarining Ro‘yxati 6-bandida barcha ta’lim tashkilotlaridagi pedagog xodimlar, o‘qituvchilar, bibliograflar va kutubxonachilar keltirilgan.

❎ Shunga ko‘ra siz rahbar bo‘lgan maktabda ukangiz qorovul bo‘lib ishlashi mumkin emas.

✉️ Yuristga savol yuborish

 Yurist bilan qo‘ng‘iroq orqali bog‘lanish

Barcha turdagi hujjatlarga buyurtma berish
Rasmiy kanalimiz:
 @Yurist_Xizmati