Maktab direktorining turmush o‘rtog‘i maktabda kutubxonachi bo‘lib ishlasa manfaatlar to‘qnashuviga zid emasmi?
@Yurist_Xizmati 5052-savol:
ASSALAMUALЕYKUM xurmatli yurist men maktab direktori bulib ishlayman turmush urtogim maktabimda kutubxona mudiri bulib ishlasa manfatlar tuknashuviga zid emasmi shunga asos bomi?
YURIST JAVOBI:
Mehnat kodeksi 121-moddasida o‘zaro yaqin qarindosh yoki quda tomondan qarindosh bo‘lgan shaxslarning aynan bitta davlat tashkilotida birga xizmat qilishi, agar ularning birga xizmat qilishi ulardan birining ikkinchisiga bevosita bo‘ysunishiga yoki uning nazorati ostida bo‘lishiga bog‘liq bo‘lsa taqiqlanishi belgilangan.
➡️ Bunda ushbu toifadagi shaxslarga: ota-ona, aka-ukalar, opa-singillar, o‘g‘illar, qizlar, er-xotin, shuningdek er-xotinning ota-onasi, aka-ukalari, opa-singillari va farzandlari kirishi belgilangan.
Endi qarang! Vazirlar Mahkamasining 2024 yil 14 noyabrdagi 758-son qaroriga 3-ilovada tasdiqlangan Qarindoshlarning birga ishlashlarini cheklash to‘g‘risidagi qoidalardan istisnolarga yo‘l qo‘yilishi mumkin bo‘lgan davlat tashkilotlari xodimlarining Ro‘yxati 6-bandida barcha ta’lim tashkilotlaridagi pedagog xodimlar, o‘qituvchilar, bibliograflar va kutubxonachilar keltirilgan.
✅ Shunga ko‘ra siz rahbarlik qilayotgan maktabda turmush o‘rtog‘ingiz kutubxonachi lavozimida ishlashi mumkin.
telegram kanal- yurist xizmati