Maktablarni tekshirish tartibi qanday?
@Yurist_Xizmati 5066-savol:
Maktabimizda 2024 yili may oyida bandlikni taminlash markazi tomonidan chukur tekshiruv bulib barcha xujjatlar tekshirildi xattoki ish xaki tabellari xam mana xozir mart oyida yana tekshirilyapti bu kanchalik tugri xar yili tekshirish tugrimi xali bir yil xam bulgani yuk tekshirishganiga
YURIST JAVOBI:
Vazirlar Mahkamasining 2019-yil 25-apreldagi 352-son qaroriga 2-ilovada tasdiqlangan Umumta’lim muassasalari faoliyatini tekshirish tartibi to‘g‘risidagi Nizom 6-bandiga ko‘ra Kambag‘allikni qisqartirish va bandlik bo‘limlari umumta’lim maktablari faoliyatini tekshirishga vakolatli organlardan biri hisoblanadi.
Ushbu organ mehnatni muhofaza qilish to‘g‘risidagi qonunchilik hujjatlariga rioya qilinishini o‘rganish, xodimning hayoti va sog‘lig‘i ustuvorligini ta’minlash, mehnatni muhofaza qilishga oid talablarga rioya etilishi ustidan nazorat va tekshiruvni amalga oshirish, xodimlarni ijtimoiy himoya qilish masalalari bo‘yicha tekshiruv o‘tkazishga vakolatli.
Nizom 7-bandiga asosan tekshirish quyidagi shakllarda amalga oshiriladi:
• rejali tekshirish;
• rejadan tashqari tekshirish;
• nazorat tartibida tekshirish.
❗️Ushbu nizomning 9-bandi qoidalari mazmuni shundan dalolat beradiki, umumta’lim maktablari faoliyatini rejali tekshirish 1 yilda bir marta o‘tkazilishi mumkin. Faqat yangi tashkil etilgan maktablardagi bunday tekshiruv dastlabki 2 yil davomida o‘tkazilmaydi. Bu nizom 11-bandida belgilangan. Demak, sizlardagi holatda ushbu organ maktabda rejali tekshiruv o‘tkazishi mumkin.
Biroq bunda bir qator qoidalarga rioya qilishi kerak:
1️⃣Birinchisi, tekshiruv muddati 10 kundan oshmasligi kerak.
2️⃣Ikkinchidan, rejali tekshirish o‘tkazilishidan kamida 10 kun oldin tegishliligi bo‘yicha tizimida umumta’lim muassasasi bo‘lgan vazirliklar va idoralar hamda ularning hududiy bo‘linmalariga tekshirish o‘tkazish to‘g‘risidagi buyruq, tekshirish dasturi yoki savolnomasi ilova qilingan rasmiy xat yuboriladi.
3️⃣Uchinchidan, ekshirishga vakolatli organ tomonidan tekshirish o‘tkazish to‘g‘risida buyruq qabul qilinadi. Bunda mazkur buryuqda tekshiriladigan umumta’lim muassasasi nomi, tekshirishning maqsadi, tekshiruvchi mansabdor shaxslar tarkibi, tekshiriladigan davr, tekshirish o‘tkazish muddati va tekshirish o‘tkazish uchun asos bo‘lgan hujjatning nomi, raqami va sanasi ko‘rsatiladi hamda tekshirish dasturi yoki savolnomasi ilova qilinadi.
4️⃣To‘rtinchidan, tekshirish o‘tkazish uchun asos bo‘lgan hujjatlar nusxasi tekshirilayotgan umumta’lim muassasasiga tilxat olingan holda topshirilgan payt tekshirishni o‘tkazish boshlangan payt hisoblanadi.
✅ Bunda maktab nizom 42-bandida belgilangan huquqlariga ega bo‘ladi.
telegram kanal - yurist xizmati