2030-yilgacha amal qiladigan sertifikat ko‘proq dars soati beradimi?
@Yurist_Xizmati 5671-savol:
Assalomu alaylum, dars
taqsimoti yangi nizomga ko‘ra dars avvalo oliy toifali o‘qituvchiga beriladi, lekin nizomni shu yerida qavs ichida toifa sertifikatini amal qilish muddatiga ko‘ra) degan band qo‘shilgan, buni qanday tushunsa bo‘ladi, masalan maktabda 2 ta oliy toifali o‘qituvchi bor 2 lasida ham A+ sertifikat 70 foizlik ustama bor, faqat birini toifa sertifikati 2029-yilgacha, biriniki2030-yilgacha shunda nizomga ko‘ra 2030-yilgacha bo‘lgan oqituvchiga ustunlik beriladimi? Shunga anig‘lik kiritib bera olasizmi?
YURIST JAVOBI:
Yo‘q, bu norma bunday talqin qilinmaydi.
Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risidagi Nizomning 15-bandiga ko‘ra, dars soatlari avvalo oliy malaka toifasiga ega o‘qituvchilarga taqsimlanadi. Qavs ichidagi "pedagog kadrning attestatsiyadan o‘tganligi to‘g‘risidagi sertifikatning amal qilish muddatiga ko‘ra" degan qoida dars taqsimoti vaqtida amal qilayotgan sertifikatlarni nazarda tutadi.
♂️ Ya’ni, ushbu norma sertifikatning amal qilish muddati uzoqroq bo‘lgan o‘qituvchiga avtomatik ravishda ustunlik berishni anglatmaydi. Masalan, maktabda ikki nafar oliy toifali o‘qituvchi bo‘lib, ularning ikkalasining ham attestatsiya sertifikati dars taqsimoti vaqtida amalda bo‘lsa, ulardan birining sertifikati 2029-yilgacha, ikkinchisiniki esa 2030-yilgacha amal qilishi o‘z-o‘zidan ustunlik bermaydi.
Bunday holatda Nizomning 16-bandining to‘rtinchi xatboshisi qo‘llaniladi. Unga ko‘ra, aynan bir xil ko‘rsatkichlarga ega bo‘lgan bir nechta o‘qituvchilar o‘rtasida dars soatlari teng taqsimlanadi.
Demak, agar har ikki o‘qituvchi:
· oliy malaka toifasiga ega bo‘lsa;
· attestatsiya sertifikati amalda bo‘lsa;
· dars beradigan fani bo‘yicha sertifikat darajasi ham bir xil bo‘lsa, faqat sertifikatning amal qilish muddati 2029 yoki 2030-yilgacha ekanligiga qarab ulardan biriga ko‘proq dars soati berilishi qonunchilikda nazarda tutilmagan.
Mazkur qoidaning maqsadi — amal qilish muddati tugagan sertifikat bilan amalda bo‘lgan sertifikatni farqlashdir, sertifikatning amal qilish muddati uzoqroq bo‘lgan pedagogga ustunlik berish emas.
✉️ Yuristga savol yuborish
Yurist bilan qo‘ng‘iroq orqali bog‘lanish
Barcha turdagi hujjatlarga buyurtma berish
Rasmiy kanalimiz:
@Yurist_Xizmati