Milliy sertifikat dars taqsimotida ustunlik beradimi?
@Yurist_Xizmati 5030-savol:
Assalomu alaykum! Men yanvar oyida ona tili adabiyot fanidan milliy sertifikat c+ darajasini oldim, dars taqsimotida qanday ro‘l o‘ynaydi? Qonun qarorlari bilan javob tashlang, javob uchun oldindan rahmat.
YURIST JAVOBI:
✅ Milliy sertifikat dars taqsimotida ustunlik beradi.
Bu holatda “Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi nizomga (ro‘yxat raqami 3271) 15 va 16-bandlari dars taqsimotiga nisbatan qo‘llaniladi.
Nizomning 15-bandiga chet tili va STEAM fanlaridan mutaxassisligi bo‘yicha xalqaro sertifikatlarga ega o‘qituvchilar (TESOL Level 5, CEFR B2, IELTS 6 va undan yuqori, shuningdek, O‘zbekiston Respublikasi Xalq ta’limi vazirligi tomonidan belgilanadigan boshqa sertifikatlar) 3-pog‘onada qayd etilgan.
☝️E’tibor bergan bo‘lsangiz, qoidada STEAM fanlar bo‘yicha O‘zbekiston Respublikasi Xalq ta’limi vazirligi (hozirda Maktabgacha va maktab ta’limi vazirligi) tomonidan belgilanadigan boshqa sertifikatlar keltirilgan. Mazkur nizom 16-bandiga ko‘ra dars taqsimotida ustuvor ketma-ketlik inobatga olinadi.
✅ Bunda esa milliy yoki xalqaro sertifikatga ega o‘qituvchilar toifasi bor o‘qituvchilardan ham ko‘proq dars olishga haqli.