Quriladigan uy o‘zboshimchalik bilan qurilgan deb topilmasligi uchun nima qilish kerak?
@Yurist_Xizmati 4930-savol:
Assalomu alaykum yurist xizmati, savolim bor edi, bizi uyimiz 12 sotix hovli va uydan iborat, uyimiz kotta otamni nomida qolgan, ular vafot etgan, savet davrida qilingan "domovoy" xujjati bor, hovlimizni chekka qismida imorat solish uchun joyimiz bor, bizi mahallamiz 2025 yil iyul oyida tuman kadastr bo‘limidan o‘lchash uchun navbat kelar ekan. Bahor oyida biz imorat solish uchun fundament quysak bu ish noqonuniy bo‘lmaydimi? Soliqdan mol-mulk qarzdorligimiz yo‘q.
YURIST JAVOBI:
Hozirgi holatda biror bino qursangiz, bu buni o‘zbosimchalik bilan qurilgan deb topilishi mumkin.
Fuqarolik kodeksining 212-moddasiga binoan qonunchilikda belgilangan tartibda qurilish maqsadlari uchun ajratilmagan yer uchastkalarida, shuningdek imorat qurish uchun zarur ruxsatnoma olmasdan yoki arxitektura va qurilish normalari hamda qoidalarini jiddiy buzgan holda qurilgan uy-joy, boshqa bino, inshoot yoki o‘zga ko‘chmas mulk o‘zboshimchalik bilan qurilgan imorat hisoblanadi.
Bunda o‘zboshimchalik bilan imorat qurgan shaxs unga mulk huquqini ololmaydi.
Bu shaxs qurgan imoratini tasarruf etishga — sotishga, hadya etishga, ijaraga berishga, imoratga nisbatan boshqa bitimlar tuzishga haqli emas.
Shunga ko‘ra yuqoridagi tartibga rioya qilmasdan uy-joy qurmaganligingiz uchun unga kadastr hujjatini ololmaysiz.
✅ Uyni qonuniy qurish uchun Vazirlar Mahkamasining 2006-yil 30-dekabrdagi 272-son qaroriga 1-ilovada tasdiqlangan Yakka tartibdagi uy-joy qurilishi to‘g‘risidagi Nizomga muvofiq dastlab hududiy arxitektura bo‘limi orqali qurilishga ruxsatnoma olinadi, shundan so‘ng qurulish qilinib, so‘ng unga kadastr hujjati shakllantiriladi.
telegram kanal - yurist xizmati