Aliment bolaning haqqi
@Yurist_Xizmati 4587-savol:
Assalomu aleykum! Savolim bor edi. Meni sobik turmush urtogim xozirda uylangan 3 nafar fapzandi bor. Meni 1 nafar farzandim bor. Bir nafar farzandim uchun 200 000 sum aliment tulaydi. Kayergadir ishga kirgan, Lekin ishsiz Dokument tugirlagan, Vaktida aliment tulamaydi. Aprel oyidan buyon aliment tulamayabdi
YURIST JAVOBI:
❗️Aliment bolaning haqqi! Shu tufayli ota-ona ularni moddiy jihatdan ta’minlamasa, davlat qonuniy yo‘l bilan ulardan voyaga yetmagan farzandlari uchun aliment undiradi.
❗️Oila kodeksining 96-moddasida har bir ota-ona o‘zining voyaga yetmagan farzandi uchun aliment to‘lashi shart ekanligi belgilangan.
❌ Mana shu qoidalarga ko‘ra ota aliment to‘lashdan bosh torta olmaydi. Bolaning manfaatlari uchun ota-onadan aliment undirishda ularning ish joyiga egaligi ahamiyatga ega emas.
Oila kodeksining 99-moddasiga binoan aliment to‘lovi agarda ota ona o‘rtasida alohida kelishuv mavjud bo‘lmasa sud tomonidan bolalar soniga qarab belgilanadi. Ular quyidagicha:
ota-onaning har oydagi ish haqi va (yoki) boshqa daromadining:
• bir bola uchun — to‘rtdan bir qismi;
• ikki bola uchun — uchdan bir qismi;
• uch va undan ortiq bola uchun — yarmisi miqdorida undiriladi.
Bunda har bir bola uchun undiriladigan aliment miqdori qonunchilik bilan belgilangan mehnatga haq to‘lash eng kam miqdorining 26,5 foizidan kam bo‘lmasligi kerak.
Hozirda mehnatga haq to‘lash eng kam miqdori 1 050 000 ekanligini hisobga olsak, eng kam aliment miqdori 278 250 so‘mni tashkil etishi kerak.
“O‘zbekiston Respublikasi Bosh prokuraturasi huzuridagi Majburiy ijro byurosi to‘g‘risida”gi nizomga 9-bandiga muvofiq sud hujjatlari va boshqa organlar hujjatlarining so‘zsiz ijrosini ta’minlash, ijro hujjatlari hamda undirilgan mablag‘larning haqqoniy hisobini yuritish, ijro ishi yuritishda sansalorlik va suiste’molchilik holatlarini oldini olish Majburiy ijro byurosi (MIB)ning asosiy vazifalaridan biri hisoblanadi.
Shuningdek, nizomning 12-bandiga ko‘ra sud hujjatlari va boshqa organlar hujjatlarning o‘z vaqtida va to‘liq ijro etilishini ta’minlash sohada MIB javobgar hisoblanadi.
✅ Shunday ekan, siz aliment undirish uchun tuman MIBga murojaat qilishingiz lozim.